التصنيفات
همس القوافي

لحضة الفرقا – جميلة

اليـوم صوتـي يناسـب لحظـة الفـرقـا
كانـك تبينـا نتفـارق .. خلّهـا الليـلـه

من ينتظره الشقـى .. لـو ينتظـر يشقـى

دام الشقا ينتظرني .. ليـه مااجـي لـه ؟!

ياقلبي المنتظـر .. مكتـوب لـك تبقـى ..

محروم حتى من اللـي كنـت تشكـي لـه

خـل المراكـب تسيـر ..و ودّع الغـرقـا

في موادع الحمْل .. راحة من هـو يشيلـه

اللـي يـدّور عـذر لفراقـي .. بيلـقـى

يامن نويت المفارق .. قبل تمشـي لـه ..

أرحل من احلامي اللـي قلـت لـك ترقـى

ومن روحي اللي ماعاد اعرف من هي له !!

ومن دفترك .. وأرتباك خطوطـه الزرقـا ..

ومن كل ضحكه , ودمعه .. فـي تفاصيلـه

أرحل .. و خذ ذكرياتـك معـك .. لاتبقـى

ساعدني أرجع لنفسـي كـان لـك حيلـه

علمتك الوصـل .. علمنـي علـى الفرقـا

محتاج لي قلب .. يشبـه قلبـك .. الليلـه

لحضة الفرقا 51.gif

راااقت لي ,,,
للشااعر المبدع ~فهد المسااعد ,,

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.