بعض البشر يزرع بك الطيب قوة – جميلة

والبعـض لا منـك تماكنـت جـوه
لو تطلبـه عينـه نطـق سـم لبيـه

وبعض البشر تجنـي عليـه الفتـوه
ما يدري ان الوقت يردع عن التيـه

وخطوة حقود داخـل الصـدر زوه
اسود من المحمـاس بالغـل يبريـه

وخطوة سموحٍ قلبـه بحلـق هـوه
غير البيـاض يسقطـه مـا يدانيـه

والبعض دايم ملحـق النـاس سـوه
لحم البشـر عـن كـل زادن يبديـه

والناس فيهـم كالجبـل فـي علـوّه
ما أحدن على الرفعه يحاول يجاريه

وايضا بهم مثـل الطريـق المشـوه
كلما وطى يصعب على الرجل تمشيه

أنواع جنب أنـواع وان قيـل خـوه
احرص على اللي يرفعك لا تعديـه

اللي مـع الفزعـات عنـده مـروه
يدفن خطاك ولا انجهل طيب يبديـه

اتعب على وصل الذي طـاب نـوه
واحشم ترابك عن عجاج المكاريـه

واشره على الخيّر أصيـل الربـوه
وإلا الردي ما هو بحمل المشاريـه

وكلن على ما شب ينشـاف ضـوه
والله علـى قـدر النوايـا بيعطيـه