السلام عليكم ورحمة الله وبركاته ساعدوني يابنات والمساعد الله انا واختي بمرحلة الجامعه والكل لما يشوفنا معى بعض يقول ماشاء الله عليهم علاقتكم قويه وهم ما يعرفون انا انا واختي با الجامعه نمثل بس تمثيل اننا نحب بعض على شان الناس ما تنقد علينا صغار كنا زي البلابل متفقات بكل شي تخيلو والله أ نها لما تشوفني مستانسه حدي الا تنكد علي باي طريقه تحب تشوفني زعلانه ولازم تخلي نفسها المؤدبه العاقل عند امي والمشكله انها بالمره مهي عاقل وكلما تشوف وحده في التلفزيون يكون شكلها غريب وفيها رجه تقول لأمي يمه شوفيها زي اختي صح ؟؟؟ تبي تشوه صورتي عند امي على شان امي تقول والله ما العاقل بالبيت الا فلانه وربي اني صرت اضمر لها الشر ما كأنها اختي ياناااااااس وربي اني كرهتها اسا س الي كتبته لكم ذره من الي تسويه فيني وتخيلو صرت لا اكلمها ولا تكلمني بس المشكله مظطره اكلمها في الجامعه على شان الناس ما ينقدون علينا ولما اكلمها ترجع العلاقه بيننا زي العسل بعدها تقلب علي ونتخانق بأتفه الاسبااااااب صارت وجهة نظرها تختلف عن وجة نظري ولما انا افض فض لها تروح وتقول اسراري لأمي ولما اسألها تقول عادي هاذي امي يعني وربي احترت مادري لمن افض فض له اختي ما تمسك سر وامي دايم ما تكون فاضيه لي معى العلم عندي خوات ثانيات بس صغيرات تخيلو انا ويها بغرفه وحده وما نتكلم ابد كرهتها اكثر……. بعد انو لما افض فض لها تمسكني معى ايدي الي تعورني وتهددني بالي قلته لها ولما يكون عندنا مناسبه واطلبها غرض من اغراضها تقول لا….. ومن جد انانيه ماتحب الا نفسها احترت معاها انا حياتي كذا مهي عاجبتني ابي اخت بمعنى الكلمه تخاف علي سري بسرها ما تكون بيني وبينها حزازيات وبغاها عاقل مو زي حركات الاطفال بجد قولولي كيف اتصرف معاها ؟؟؟
التصنيفات
