السلام عليكم ورحمه الله وبركاته
مشكلتى مشكله يا بنات
انا كنت احب واحد لدرجه الجنون وهو انواع الشك فينى لوو اغلط فى حرف عفوى معاة يبدأ المحقق كونان يشوف ويحاول يثبت على شغلات مالها أساس من الصحه..!!ا
بعلمكم سالفتى وياريت تحكمون بيننا لانى تعبت من سكوتى بنفجر …
انا كان لى ثلاث صديقات كلهم لهم علاقاتهم الخاصه فيهم وما اتدخل فيها احترم حريتهم الشخصيه لاسباب مختلفه بينى وبينهم وبتحريض منه خلانى اسحب عليهم ( اقطع علاقتى فيهم )
وجلست انا واياة لحالنا وانا مريضه وحامل وفى فترة علاج وتعبانه نفسيتى ولانى صوب هالسوالف ولا غيرها …
كان مرة فى البحرين ودق على يتلفظ على وحدة منهم ماضرتنى البنت فى شي مسكينه بس هو مايحبها زعلت عليه قلت له انا تركتها عشانك بدون اسباب خلاص فكنى من المشاكل وجلس يغلط على كلمه منى كلمه منه صكيت فى وجهه الجوال وانتهى الموضوع …
انا حسيت بقهر الصراحه انا تركت هالعالم عشانه وهو ما يقدر ويشك ويرمى كلام على ليش؟؟
رحت ورجعت علاقتى بثنتيين من البنات ذوول وانا مابيهم مجرد عند فيه..
ارقامهم عندة الاستاذ دق على وحدة منهم وكان واحد يهددها وتخاف ترد قلت لها حولى جوالك على جوالى عشان لا سمع صوتى يدرى ان صاحبه الجوال باعته او او او .. ويبعد عنك..!!
من سوء حظى ان الشكاك كان يتصل من ارقام ثانيه على رقم البنت فى نفس الوقت وسمع صوتى فعلى طول قال عندك جوال ثانى وراح يرسل رسايل سب ووو.. من رقم ثانى
عاد هى كانت عندى مرة عالغدا وخلتنى ادق على الرقم اللى هو داز واحد عليه ولا عطيته وجهه بس كذا عشان اساعدها … وفى نفس الوقت صرت اشك انها حركه منها معه وشوى صرت اشك فكل شي وكل الناس حولى..
طبعا هو استهان بذكائى الغبى وصار يدق على جوال البنت وجوالى وعرفت انه هو على طول قلت لها اسمعى خلينا نأدبه صرنا نحول الجوال مرة انا ارد ومرة على خويها يرد ومرة على وحدة ثالثه من البنات …
دقيت على جواله العام وقلت له عيب عليك تزعجنى من ارقام ثانيه حلف فعياله ان ماعندة جوال ثانى ودق على وحلفنى عندى جوال ثانى ولا لا وحلفت لانى صادقه وعجزت مع هالادمى مصم يحطنى خاينته…
هو من النوعيه اللى مايعترف بالغلط ولازم يخليكى انتى الغلطانه مهما سوا ومهما قال
لى ثلاث شهور ما ادرى عنه ولا يدرى عنى
شرايكم يابنات شسوى؟؟
