أبي اطلق مواويل الحـزن وبطرح كل دواويني
أبي أشكي أبي احكي ابوصف للبشر حرمـان
أبيهم كلهم يدرون أبيهم يشعروا فيـني
أبيهم يذكرون أني صرت بدمعتـي غرقان
أبيهم يعرفون الهـم هواللي صار يخاويني
أبي أصرخ وأبلغهم وأقول أن الفـرح خوّان
يجي مـره معاي و هو طول العمر ناسيني
أبي اترك لهم قصـة وأخيّرهم على العنوان
يسمّوا "حـزن "يحطوا دمع ..ما عاد يعنيني
أبي لامن وصل صوتي يحس بضيقتـي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يكون لي خلٍ وعلى حزنـي يواسيني
أبيه لمركبي مرسـى وأبيه لغربتي أوطان
أبي لامن ذرفت الدمـع لقيته لي يعزّيني
أنا ما أبيه يصبح ضلـع أبيه يكون لي ضلعان
أبي لا من مشيت وطحت يحط يديه في يدينـي
إلامن خانني التعبـير أبيه يكون لي لسان
أبي لامن سكتْ ألقاه ..يفهم من نـظر عيني
أبي لا من تعبـت وضقت يلم الروح بالأحضان
أبيه يكون لي كتـاب إذا ضاعت عناويني
أبي أعشـق وأبي أغـرم وببني للهوى بنيان
أبيه يكون مبنى ضخم ويسكن فيه مغلينـي
أبي واحد يسكن بي وابطرد لأجله السكّان
أبي يسكن وسط قلبي وعمره مايخلينـي
أبي أشعل شموع الحـب وبأعطي من الغلا بستان
أبي أهديه باقة ورد ..مسقيها شراييني …
