سلآم
بَ أكتب لكم وكلي دموع ومنهارةةة 
سبق قلت لكم عن اهلي !!
أمي دايم تمنّ علي باشياء ضروريه !! وخاصه لما اخوي يوصلني تحقن دمي عند هالشي !!
حنا نسوي لك نحط لك الخ وهي اشياء ضروريه و واجب ع الاهل يعني احنا درسناكي احنا اكلناكي الخ
وانتي المفروض تكونين خادمه تحت اخوك وتدورين رضاه لانه بس شالك الاكياس !!!!!!
والخ من تحقين الدم مع العلم انا الكبيرة ! واهي م تقصر تمن علي بكل شي مع اني م اخذت شي زود وناقصني وجد اشياء !!! انا م احب حد يمنّ علي !!!! خاصه اذا اهلي واشياء واجبه عليهم والا اخوي الصغير تكبر راسه علي عشان شالي كيس والا كيسين !!!!!
وطالعين لي بسالفه جديدة هي وخوالي م تزوجتي !! متى تتزوجين !! شدي حيلك !!!! تعلمي هذا سوي هذا عشان بكرا تتزوجين , طيب انا مو عايشه عشان اتزوج قولوا لي سوي هذا عشانا مو عشان الزواج !!!! واليوم ابوي لازم تسوين كيذا و كيذا بكرا تتزوجين << حشى بيتزوج خدامه !!!
قلت لابوي قلي سوي كيذا بسويه بس لاتتحجج بالزواج وبعدين منب خدامه له !!! يعني حسسوني ان م علي الا بس اتعلم هالاشياء والزواج بس خدمه !!!! قالي ودي هالكراتين الصغار فوق قلت م اقدر خلّ اخوي ياخذهم هو يقدر !! قال ابوي لآتزوجتي وشتسوين ! قلت ليش بصير حمالة اثقال عنده !!!! قال ايه اكيد بتشيلين أشياء عنده مثلاً يمكن يقولك شيلي الكوميدينه !!!!! قلت خلآص عاد م عندكم الا هالسالفه كني ب مكتب استقدام وقاعدين يجهزوني للكفيل !!!! أنا بسوي الي اقدر عليه عشانكم اما زواج و م زواج الزواج مو بس كرف , لآطق عمري 30 وش بتسوون فيني !؟
بتحرجون عليّ !! امي كانت جالسه جنب ابوي وكالعاده مؤيدة قالت ايه " اخطب لبنتك .. الخ وعادي وكيذا ( أبوي يوم اختي الكبيرة تأخرت بالزواج كان يقول ودي اي احد ياخذها !!! والثانيه رفضت وحد وراح خانقها !! وناداه من جديد وقاله تعال تزوجها بس !!!! ) قلت بتسون فيني مثل الباقي !! قالت امي ايه وشفيها عادي كل الابهات كيذا !!! قلت باللهي وش ضيقت عليكم فيه لآدخله ولآطلعه ولا فلوس وتهزئ وتمننّ وبالعه !! وهمّ بعد متضايقين فيني !!!! قمت وانا خانقتني العبرة وابوي يناظرني نظرات استحقار ويقول ي العاقه ! ورحت للمطبخ اغشل المواعين الكثيرة رغم م حد قالي بس مساعده مني ومحاوله للترويقه و م ابي يصير هوشه لان للان هادين ! رحت للغرفه سكرت ع نفسي لحقتني امي عبالي بتهون علي وتقلي انتي بعيوننا وانتي بنتي حبيبتي قالت لي انت عديمة التربيه وقليله ادب .. الخ << وش قلت أنا الحين !!! قلت انتي مو ام المفروض تحسين ؟! ابوي جنبك ضايق فيني وعادي عندك اهلك يضايقوني عادي عندك تهزأيني وتتبلين علي قدام اهلك عادي عندك !!!! ( أمي دايم اذا عندها أخطاء ترميها علي قدام اهلها ! وانا اسكت مراعاة لمشاعرها قدام اهلها !!! وانا بالعكس م كرهتها دايم لاجاء ابوي يضربها اوقف بينهم وتجي الضربه علي دايم لاخانقها والا هددها بالطلاق ادافع عنها بقوة !!! الخ وهي تنكر !!! مرة م كلمتني اسبوعين عشان نسيت صحن م غشلته ونقطت زيت عالارض وانا مدري !!!!!!!!! الخ ) << نبذة سريعه
سكرت بوجهها الباب وانا اقول حسبي الله ونعم الوكيل فيكم !
واهي تخانق وراء الباب !!!!
واذا طلعت بكرا بيضربوني ابوي واخوي وامي تتفرج كالعاده وتصفق لهم !! طبعاً اخوي دايم يضربني وابوي يخانقني بدون اسباب وامي مؤؤؤؤيدة !!!! ي ليتها رافضه وساكته الا مؤيدة !!!!
وشسوي الحين ؟؟؟؟؟؟
أنا غلط والا صح !!!!
انا قمت من المكان بهدوء ورحت للمطبخ وقمت بواجبي ورحت لغرفتي و م قلت شي بس هي جتني واتلفت اعصابي !!! بصراحه م انصدمت منها لان م عمرها حنّت علي مثل م احن عليها !!!!!
أبي اعرف مين الخطأ ؟؟؟ متضايقه كككككثييييييييييير
