أنـــــــــــابمشـــــــــي فن

أنا سافرت يالعالم لدنيا به الهنا مقتول
رحلت ولا أبي أروح بأقدامي الى ناري

ولكن الأمل بالله يرحم لي دمعي المهمول
ويسعدني قبل موتي مع اللي للغلا شاري

أنا بأمشي مع الدنيا مدام إن المصير مجهول……….
وبأمشي لين ما ربي يأخذ من الهموم ثاري

أنا بأمشي وأقتل ظلم البشر وأقول……………..
اللي يحب يظلم شخص تراه للقبر ساري

أنا بأمشي وأدفن في التراب همي المحمول……….
وبأتوكل على ربي الواحد الباري

أنا بأمشي مع الدنيا ودمعي سيفي المسلول……..
يدافع عن ضيق القلب بسيل على الخدود جاري

أنا بأمشي مع العالم وهمي بالصدر مغلول……….
عسى ربي يزيحه لي ويعدل سير أقداري

أنا بأمشي مع الأمآل وأعالج حلمي المشلول…….
وأخليه يواجه الدنيا ولا يعيقه إنكساري

أنا بأمشي مع الأشعار وأغير كل شي مقيول…….
وأكتب في آخر الصفحات أشرقي ياشمس نهاري

أنا بأمشي وبأمسك في يمين الفرح اللي يقول……
أنا بأسعدك بس حزنك ماسك باليدين يساري

أنا بأمشي وأحضن ضحكتي لو حزني يجول………..
مصيره يطفش ويرحل مدامه باليأس عاري

أنا بأمشي وبمشي لو طريقي بالعنا يطول………..

لين يصير ياعالم نهاية رحلتي القبر داري

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً