اجمل قصيدة للعريس روعه حلوه جديدة مره

آه لو تــــدريـــــــن وش صار بالناس
ساعة دخلتي وشافوا الناس زينك
منهم من اللي صابه ملـــيون هوجاس
ومنهم من اللي صار حلمه بعينك
واللي تباهت بالجـــــــواهر والألماس
عافت جواهرها بشوفة جبينك
غيرك تباهت بعطرها وريـح الأنفاس
ومن عطرك أنتي الورد ذاب بيدينك
واللي لحــــقــــــها بأسمها كم نوماس
شافت عذاريب أسمها عند زينك
أسمك ( اماسي ) والأسامي على ساس
أسمك يعكس للبشر نوع دينك
وشعرك مـــثـــل الليل والليل حساس
وخدك كما الجوري بيّن حنينك
ورموشك خدره … وعيونك السود نعاس
ومبسمك كالخاتم لزينك يعينك
كامله ومكـــمــــــله وزينك بلا قياس
والعود يغار لاشاف جسمك ولينك
أنتي مــــلاك الحفل بين الأجناس
لاواهني من هو أصبــح ضنينك
ومعرسنا ( نواف ) على العين والراس
( نواف) والنعم ذحرك ويمينك
( نواف ) بين الناس كما طير قرناس
يشهد له بالمـــجد ماضي سنينك
وماقول غيـــــر ياليت تدرين بالناس
ساعة دخلتي وشافوا الناس زينك
منهم من اللي صابه مليون هوجاس
ومنهم من اللي صار حلمه بعينك

أبي لي مهرةماعسفت صغيره وبنت حصان
ابوها اللى يفك المشكله ويزبن الجاني

وأخوها لاتعزوى باسمها فزوالها العربان
يحق لها الفخر في قولة آل فلان جداني

أبيها فى بحر عشرين لازود ولانقصان
أبيها اقصر طويله والوصوف اشكال والواني

أبي الجبهه كما الصبح وكما القوس اسود الحجان
وأبيها ناعسات ونرجسيه سود الاعياني

ابي رمش كما ريش يغطى الثلج فالاوجان
وابي جفن يشيل الرمش طربان وكسلاني

ابي خد كما ورد تتنمى فى طرف بستان
وابي خشم صغير ومثل حد السيف شاماني

ابي البسمه كما البرق وتناياها كما المرجان
شفاها جمرتين وفمها خاتم سليماني

ابي شعر مثل ذيل الفرس لاطبت الميدان
او الشلال لامن بات ليله بين الامتاني

ابي جيد سوات ابريق فضه ناتق مليان
وصدر كنه مرايه عليها طلع رماني

ابي ظهر كما الجدول وقد مثل غصن البان
وخاصر مثل مجدول الاعلان وجسم روياني

ابيها ناية ردف وبطن ظامر جوعان
ابيها مدمج ساق وقدما لسان ثعباني

ابيها بنت عز من رغدها ينعم البستان
ابي الرقه وابي الدقه لها باطرافها شاني

ابي المشية كما اللي طالع من المعركه كسبان
وابيها ترش مع خطواتها مسك وريحاني

ابي صوت اللي مني سمعته كن فيه الحان
يدغدغ مسمعي ويثير كل السحر فاشجاني

ابيها حب واخلاص وهواجيس وفرح واحزان
ابيها مثل مادكتوراهالى العشق وصاني

ابيها لوحة ماصورتها ريشة الفنان
ابيها جوهره ماجابها قاصى ولاداني

ابيهاتنتصرلي من زمان حطني نيشان
وتبشر بالغلا اللى مالفى به واحد ثاني

مهرها قلب وشعر يهز القلب والوجدان
وألبسها القصيد وتصبح اوزاني وقيفاني

ابي اللي فات واللي فات صعب ومن لقى العنوان
يرد العلم ولاافضل ابقى اعيش وحداني

كلمات :: ناصر القحطاني
غناء:: خالد عبد الرحمن

صلوا على محمد ريــــح العطــــر والعــــــــود
من ليلة مايقدر يعيد الكـــون هدبــــــها
هـــذه الليلـــــة انـــــــــور نورهـــــــــــــــــــا زود
والسمـــاء نجومها اضوت في ذهبــها
كيف ماتضوي والكل حــــاضر وموجــــــــود
بشـــــوق المحبة نلتقي من سعــــــدها
عروسنا العروسة ياكل الحسن فيها موجود
يغـــــار منهــــا البدر من طلة هدبــــــها
عروسنا العروسة يابنت الاصل يابنت الجود
فيــــك القصـــــــــايد ماتوفي سببـــــها
عريسنا العريس ياكل الشهـــــامة بــــــلا زود
ولد الرجــــــــــال والمكـــــــارم هو اهلها
واللـــــه يجعـــل ايامكــــــم حـــــــب وورود
وسعادة يحكي بها الكون ويعجب بها

___________________________________________

من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
أمل اللي بزينها صارت فريده
اسمها امل والاسم كافي
لو صاغها الصايغ ضيع نشيده
امل عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
امل بنت (( )) بنت الاشرافي
امل غلاها بين القلب ووريده
ومعرسنا خالد قدره عالي ووافي
خالد بالشجاعه نظرته بعيده
خالد مثل الذهب ومعدنه صافي
خالد الطيب بقلبه دايم ربي يزيده
خالد قدره فوق روس الأكتافي
الطيبه بقلب خالد وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
أمل اللي بزينها صارت وحيده