افضل و ط§ط³ط±ط¹ ط·ط±ظٹظ‚ط© ظ„ط¹ظ…ظ„ و ظ„ط·ط¨ط® ط§ظ„ط³ظ…ظƒ ظ…ظ‚ظ„ظٹ ط¨ط§ظ„ط®ط·ظˆط§طھ بالصور
طبعا كتير مننا مش بيعرف يقلي السمك كويس مع ان معظم الفتوكات ما شاء الله بقوا اساتذه
بس للي مابتعرفش تقلي السمك كويس وعاوزاه يطلع زي الجاهز بالظبط هاقولها علي الطريقه
نتبل السمك توم ولمون وكمون ونسيبه مش اقل من نص ساعه
بنتبل الدقيق عادي ملح فلفل كمون وشويه كركم علشان يدي لون دهبي بس في القليه
نجهز الزيت يكون حامي جدا علشان اول ماينزل يعمل تشششششششششششششش
والان مع فقره تكات نوسه
1-السمك الجاهز بنلاحظ انه عليه طبقه رقيقه مقرمشه احنا طبعا متخيلين انها عجينه
طيب الطبقه اللي برا دي بنوصللها ازاي
نمسك السمكايه من ديلها ونحطها في الدقيق ونسقطها في بوله غويطه مليانه ميه
ونحطها علي طول في الدقيق تاني ونرجع نسقطها في الميه تاني يعني مرتين
ونقليها علي طول
الخطوه دي بتعمل زي عجينه مغلفه السمكه ومابتخليش الزيت يتحرق بسرعه لان الدقيق اللي بينزل في الزيت هو اللي بيحرقه
2-طيب تاني حاجه السمك البلطي الجاهز بتبقي بطنه من جوه مقرمشه طب ازاي دي
لكن احنا بقي بطن السمكه البلطي بتطلع معانا معجنه وطريه من جوه
ازاي نوصل لبطن مقرمشه وجميله زي الجاهز
طبعا البطن بتبقي متتبله بالتوم من جوه وكمان بنعمل شقوق في جسم السمك من بره علي الجانبين ونحشيها توم
هانتبع نفس الخطوات السابقه
بس نفتح البطن ونحط فيها دقيق ونكبسها كويس ونفضي الدقيق ونحطها في الميه ونكرر تاني نفس العمليه
عند القلي هاننزل ببطن السمكه الاول يعني نفتح السمكه ونمسكها من عند الزعنفه اللي جنب البطن وننزل ببطن السمكه الاول في الزيت
علشان تتقلي الاول
3-طبعا لازم يكون الزيت غزير جدا علشان يوصل لقلب السمكه
4-لما نطلع السمك او اي مقليات عموما مانطلعش علي ورق مطبخ
لا نطلع المقليات في مصفه مخرمه علشان يتشمع يعني يدخلله هوا
لو حطيناه علي ورق بنلاحظ ان الورق بيشرب الزيت والسمك لازق في الورق وبيطري من تحت ويشرب زيت تاني
لكن المصفاه بتحافظ علي قرمشته وبيتهوي كويس
وده بينطبق علي اي حاجه مقليه شيبيسي بانيه اي مقليات
5-نحط قشره اللمون اللي عصرناه للتتبيل في الزيت اثناء القلي بيقلل الريحه كتير
6-المسترده من الحاجات الجميله جدا في تتبيل السمك والجمبري جربوها بتدي لزعه حلوه وطعم الكل هايسالك عليه
يارب يكون الموضوع عجبكم والي اللقاء في موضوع جديد ان شاء الله
