البط المحشى عالطريقه المصريه
كتير طلبوا منى طريقته وعلى رأسهم الاخت omwaeal
واليكم المقادير
بطه
2 حبه بصل
فنجان شاى ارز مصرى مغسول
كبد وقوانص ط§ظ„ط¨ط· مقطعين قطع صغيره
ملح فلفل كمون كارى بابريكا واى توابل تفضليها
اعواد خشبيه
اكياس الشواء فى الفرن (اختياريه) وحتعرفوا ليه بعدين
اول شىء
نغسل البط جيدا وننقع فى ماء ودقيق وبعدها خل او ليمون ويصفى من الماء جيدا
نقوم بوضع جزء من التوابل داخل البط وخارجه
ونتركها جانبا الى ان نقوم بتحضير الحشو
وفى قلايه نشوح البصل الى ان يصفر ونضيف الكبد والقوانص المقطعه
ونشوح حوالى ربع ساعه وبعدها نضيف الارز ومعه التوابل ونضيف نصف الفنجان ماء ونسويه نصف سواء او الى ان يتشرب الماء
هنا وضعتها داخل كيس الشواء لانى حسويها فى الفرن ولو حبيتى تسلقيها فلا مانع
بعد ما يبرد الرز نبدأ بحشو البطه جيدا وبعد الانتهاء من حشوها نغلقها بالاعواد الخشبيه
ملحوظه
لا نغرس الاعواد فى الحرف ولكن ندخلها قليلا لان الرز بيتمدد
ولتلاشى فك الاعواد على قدر الامكان اثناء الطهى
هكذا
وها هنا البطه جاهزه للطهى
وزى ما قلت ممكن توضع فى ماء مغلى وتسلق وتحمر او ممكن نضعها فى كيس الشواء فى الفرن
ونربط الكيس جيدا ونعمل فتحات بالشوكه من فوق حتى لا ينفجر الكيس من ضغط البخار
فى حاله سلقها تترك حوالى ساعه وربع فى الماء مع اضافه البصل والتوابل وتكون النار متوسطه
وفى حاله وضعها فى الكيس تستغرق نفس المده تقريبا وتحمر تحت الشوايه وده شكلها النهائى يارب تعجبكم
رجاء عدم الرد الموضوع لم يكتمل بعد
