والخطاوي اللي تتعبها الملابس .. كيف عاد حمولها السود المقيمه
وابتسام الناس في وجه المسافر .. ومالهم شغل فجحيمه وفنعيمه
والضياع اللي بلا مئوى وملفى .. لا شقيق ولا صديق ولا عزيمه
وسايق التكسي واخبار الاذاعه .. وريح كشنات السيارات القديمه
كلها اشياء تقتلنــــــــي فراداُ .. كيف لا اجتمعت على قلبي وضيمه
انا واحد والجروح الف وخصومي .. اتّكاثر واختيارتي عقيمه
أنحرف؟ ولا انجرف؟ ولا اتطرّف .. كلها امرار واحلاها اليمه
ما اخترت اكون عاشق او شاعر .. عالم الاقدار ماينصف غريمه
والمحبه معركه مافيــــــها رابح .. ايتساوى النصر فيها والهزيمه
اغلب الاشيا اللي نغليها تـــوافه .. لونا مانغليها ماكان الـ ها قيمه
حبنا للشي حب النا اساساُ .. شوف الانسان ومشاعره اللئيمه
وانا ماحب اللي احسه شي ثاني .. مالقوله اسم او كنيه سليمه
من يزور اعدائه ويعطف عليهم .. من يعاقب نفسه ويرضي خصيمه
من يحس الناس كل الناس اهله .. من يحس ان روحه بتحيا مديمه
ممكن ايبكيني مقطع شعري تافه .. وممكن العب عام مع طفله يتيمه
وممكن اتعاطى منشّط او مخدر .. مرحله جـدا عواقبها وخيمه
انا باقيني انا ربع اللي كنته .. مع امل كذاب واحلام وظليمه
الاوديه مسرح بداياتي البريئه .. معتقد باقي بــــها وادي واهيمه
علمتني من عشقت ان لا أراوغ .. اقصر خطوط الوصول المستقيمه
فمايخلي الرجل يحب بكل قوه .. الا لامن حبله وحده حشيمه
آآخ لو شفتو الوشاح الـ لا نهائي .. منهو منكم شاف شمس تجر غيمه
الحليب الورد الصبح التسامح .. هي جميع اشيائنا البيض الرحيمه
كل ابن آدم مذمم بالخليقه .. الا هي مافيها اي حاجه ذمــــيمه
بنت قلبي وام روحي واخت عيني .. سيدة كل العلاقات الحمـــــيمه
علميها ياطيور الصبح عني .. لا كليتي الخبز من كف الكريمه
ان وجودي وجد من باعوه ناسه .. عقب ماباعو ركايبه وحريمـــه
واشتراه اللي من اول عبد عنده .. وحط فرقبته وفي وجهه وسيمه
كل مذكر طاري الفرقا وانا اعرف .. الظروف الي بلا رحمه وشيمه
واحدن مثلي ليا طال انتظاره .. ماتلاقي الريح باقي من هشيمه
ايتلاشي كنه ماكان ومكنّه .. قاضي الحاجه وقطّاع الخريمه
شاعرن بيخلد التاريخ اسمه .. من فضل حسه وفضل اهل النميمه
رمز لاكن بعد موته لان قومه .. تحترف تمجيد الاموات العديمه
عاش حقبه من حقب عصر التمدّن .. السما فيها تبرّا من أديمـــه
علميها ياطيور انها وفعلا .. حيدت صميم قلبي عن صميمه
علميها ياطيور انها وشكراً .. لخصتلي كل الاحداث الجسيمه
تخسر الدنيا وتخسر كل حاجه .. عندما تخسرلك انسانه عظيمه
سعد علوش
مماراقى لي
