العــــــــــــــــــــــــرس قديمآ في قبيلتي وليلـــــــــــــــــة الدخلــــــــه – لحياة سعيدة

وتتم الخطبة يوم الاثنين والرد على العريس بنفس اليوم او اليوم الثاني والعرس وكتب الكتاب بعد اسبوع ويكون ليلة اثنين ( شوفتوا كيف البساطه والتساهيل )

وبعد الموافقة على العريس تقوم الام بأعداد العروس لهذا العريس وتجيب لها وحده من الحريم لها شغلة خاصة انها تعلم البنات وتفهمها على كل شي عن الزواج وعن العلاقة الجنسية وتهيأ هذي المرأه العروس للعلاقة الجنسية وتقولها ان هذي العلاقة تزيد بالحب بينكم وان انتي راح تحسي بشي غريب وبشعور جميل وراح تستمتعي وراح يصير حمل من هذا الزوج وراح تجيبي طفل ( تهيئه كامله من الناحية الجنسية )

وقبل العرس بيوم يحنون العروس بيدها ورجليها ويحطون بشعرها خلطة عطورات مع زعفران ويدهنون شعرها الطويل ويجدلونه ويشيلون الشعر من جسمها كله

ويوم العرس يجيبون مزينة خاصة بالعروس تحممها وتغسل شعرها وتكون ريحة شعرها مره حلوه بسبب العطورات الي فيه وتفرك جسمها بالريحان وتبخرها باخشاب العود الاصلي وتعطرها وتعطي العروس قطعة قماش مبللة بموية الورد ومرشوش عليها العطر وتخليها تمسح الاماكن الحساسه عندها وتمشط شعرها وتعملها جديلتين وتجمل العروس بالكحل والبودرة الحمراء والروج الاحمر الي يجيبونه قديمآ من التجار الرحل وتلبس العروس فستان واسع حرير مطرز وطويل ويكون لونه احمر او ابيض ويكون مطرز بالذهبي وتلبسها الذهب ويكون كبير مره ومكون من اربع قطع قطعة كبيره توصل لركبتها وقطعة اصغر منها توصل لخصرها ومحزم ذهب ومزنط يكون يلف على ارقبتها وتنزل منه سلاسل ذهب على صدرها وعلى راسها تلبس هامة كبيرة من الذهب

الـــــــــــــــــــــــــزفة

يكون البيت مليان حريم ومعازيم ويجهزون غرفة النوم وتكون من سرير عليه مفرش ابيض وعليه ستارة طرحه بيضاء كبيره مثل الشراع من حرير ومطرزه وتجلس في هذي الغرفة امراه كبيرة اسمها الرقيدة وظيفتها تنتظر العروس وتهيئها جنسيآ وتدخل العريس عليها
ويزفون العروس ويدخلونها على الحريم شايلينها على سجادة حمراء ومغطينها بطرحه مطرزه نفس لون الفستان ومايبان منها شي

ويغنون عليها ياجميلة الجميلات ويسمون اسمها اليوم عرسك على شيخ الشباب فلان ويسمون اسمه

ويجلسونها على كرسي مرتفع وتكون امها موصيتها ماترفع عينها على احد من الحريم لجل مايقولون عنها الحريم قليلة ادب

ويشيلون العروس ويدخلونها بغرفة النوم وتعطي الام كل وحده تشيل بنتها هدية ثمينة

ليلــــــــــــــــــــــــــة الدخلــــــــــــــــــــــــــــــة

تستقبل الرقيدة الي جالسة بغرفة النوم العروس وامها وتطلب الرقيده من العروس تغسل الاماكن الحساسة بموية ورد معطره وتلبس العروس سروال ناعم حرير لونه احمر له خيط وتقوم الأم بربط الخيط بشده لجل يفتحه العريس بصعوبه لجل يعرف ان الام احسنت التربية لبنتها

وتجهز الأم والرقيدة العروس وتهيئها للممارسة الجنس بهذي الليلة وهذا اهم شي عندهم بالزواج لجل ينجح الزواج ولجل يتعلق العريس بالعروس ويحبها طول العمر

وبعدها تلبس العروس ثوب مطرز أحمر شفاف ومفصل على جسمها وتحته شلحه بستيان ترفع نهود العروس وتكون من القماش الحرير ولونه احمر ويجي ضيق ومفصل على جسمها لجل تبان مفاتنها وتزين العروس بالكحل والبودره ويقبصون صدرها لجل يهيؤنها ولجل يصير لونه احمر ويتنفخ ليجذب العريس

(شوفوا كيف الاول يهيؤون العروس مو الحين يزفونها وهي ماتهيئت نفسيآ ويعتمدون على زوجها انه يهيئها مما يؤدي احيانآ الى فشل العلاقة )

وبعدها يجلسون العروس فوق السرير المعطر بالرشوش وهي عطور مختلطه مع موية ورد ويجيبون ريحان ويعطرونه ويحطونه على السرير وبكل الغرفة ويبخرون الغرفة بالعود ويعملون اجواء بالغرفة ويجهزون العروس نفسيآ وجماليآ ويعملون لها بعض الحركات لجل يرغب العريس بالعروس

ويغطون العروس بالطرحه على وجهها وينزلون الستاره الطرحه البيضاء على السرير
بهذا الوقت يدخل العريس في مكان العرس لابس بشت اسود مع ابوه واقاربه واخوانه وابو العروس واخوانها ويزفونه بالاناشيد والدفوف ويغنون عليه

امباركين عرس الاثنين…… ليلة ربيع عين وقمره
والي جمع بين قلبين ……….الله يطول في عمره

ويزف العريس ويدخل على العروس ويجلس معها فوق السرير ويرفع الغطاء من على وجهها واذا اعجبته قبل جبينها وتقوم الرقيدة بتبليغ الأم بالأشارة باعجاب العريس بألأبنتها وبعدها تقوم بتغطية السرير بالستاره البيضاء

وبعد اشوي لمن تحس الرقيده ان العريس رغبان في العروس تطلب من العريس بالجلوس بركن الغرفة و تطلب من العروس خلع الفستان وتظل العروس بالشلحه الحمراء وتفرد شعرها الطويل على صدرها وتقرص خدودها لجل يحمرون وتخلي العروس تقبص صدرها مره ثانية

وتدخل العريس على العروس وتقفل الستاره وتطلع عند الحريم بهذا الوقت تقوم الطقاقات بالضرب على الدفوف بصوت عالي والغناء لجل مايسمع صوت العروس او تنهيداتها او صراخها

ويجلس العريس جنب العروس يحاول تهدئتها ويكلمها ويمدح جمالها ويحاول شوي شوي يروضها لجل يقدر يفتح الخيط المربوط في السروال وهي تحاول ترفض لين يقدر عليها ويفتح الرباط ويحضنها كثير ويحاول فيها لين تخضع له

(معنه هذا بالقديم لكن كان بعض الرجال عندهم اسلوب حلو مره وذوق ليلة الزواج لجل يكسب زوجته وقلبها وحبها لجل كذا كان في حب يدوم سنين____ مو زين احين مع ثقافة الرجل والعلم الا أنه يجهل هذي الامور ويجهل كيف يكسب قلب العروس اهم شي عنده الجنس بأول لليلة وبس )

بعد كذا بالفجر تجي الرقيده وتشوف شرشف السرير لكان فيه اثار وتعطيه لأهل العروس وتغير الشراشف وبعدها تشلح الرقيده العروس وتشوف سروالها لكان فيه اثر موية من الزوج وتحممها وتخليها تغسل الاماكن الحساسه بموية الورد المعطر

يطلع العريس يتحمم ويصلي الفجر ويطلع على الرجال من أهله ويكونون ينتظرونه بره عند باب البيت في جلسة تفرش قرب الباب ولمن يقبل العريس يقوم الرجال وقبل مايسلمون عليه يسئله ابوه سبع ولا ضبع لقال سبع اوقفوا الرجال كلهم وسلموا عليه ولا قال ضبع تف ابوه على وجهه وخلوه ومشوا ههههههههههههههههه

وغالبآ يكون مو بس ضبع الا دجاجه هههههههه بس مايقول ويتفق الزوج مع زوجته بهذا الشي انهم يقولون انه صار شي لانه يخاف عليها من الليلة الاولى يجيها لانها رافضه وغير كذا تكون عضته كم عضه وضاربته كم ضربه وخاف منها

وكمان يخجل قدام الرجال ان ابوه يتف علية

غالبآ الحريم الي حكوا عن سوالف عرسهم قالوا كذا انهم اتفقوا مع أزواجهم