ابغى راي سديد وحل لي تكفون انا متزوجه وعندي ولد واحد بعد اربع سنواااااات من الزوراج
وبعد تعب وعلاج احبه حيل ومتعلقه فيه مره الله يحفظه المشكله ان امي ساعات اشوفها تحبه
واحيانا لا اما تقعد تشمته وتقول هذا ولد الفلانين من وين يجيه السنع هو صح صغير بالشهور عمره بس انا انقهر دايم واحط بقلبي والمصيبه دايم تسبه عند ابوي او اخواني او خواتي ومرت اخووي اوعند جارتنا لانها ماتحب اهل ابوزوجي ويتقطع قلبي خاصه اذا صار يناظر فيها وهم يضحكون عليه حتى عيالهم وتمدح عيال اخوي وتقول لاخواتي هذا اللي تحبنه والله مافي خير ولد الفلانين من يجيه الرحمه والصله احيانا انا اعصب واقولها منك انتي مو جدته يمكن يطلع عليك وتعصب وتقول يخسى ودايم تجرحني وهى نفسها اذا احدتكلم على احد من عيالها تزعل وتوتر انا احيانا اذا جيتهم وسبته اتحسف اني جيتهم بس والله انا احبها واخاف عليها وارحمه مو مدح لنفسي بس؟؟مدري هي ليش كذا
تكفون وش الحل خواتي قد قلتلهم مره وقالوا حنى مستغربين منها والله ليش تسبه صرت اذا شفتها تمدح احد من عيال اخواني ارتبك وواخاف وادمع لاني اعرف انها ابتستلمه الله يهديها واشوف خواتي يقلون لها ومرت اخوي معهم ليش انتي كذا تضحك وتقول والله احبه بس اهله ماادانيهم واحسه مثلهم مع العلم ان كل اللي يشوفه قطعه من اخواني وخاصه الصغير حتى تصرفاته وش رائكم…………….
