اتمنى تعجبكم
ونبدا بالطريقه المصوره
اول شي اسلقي ط¨ط·ط§ط·ط³ كامل بقشره
عشان تحافظين عليه من المويه لا تدخله
وتحافظين على النكهه نفس ما بتشوفين
وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مش مسيحه افضل
لانها بتسيح من حرارة البطاطس
ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليج
ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر
مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معاه نص كاس موتزريلا
ولا تكثرين حشوه شي بسيط علشان ماتسيح اثناء القلي
وتفك معك وهذا شكلها بعد الحشو والتشكيل
وبعدين نغمسها في البيض ونغطيها بالبقسماط بهذا الشكل
على فكره انا حطيت بقسماط برع عشان لونها غامق
ونبدا بالقلي والزيت يكون خفيف يعني يغطي نص الكفته
ويكون حامي وشقريها بسرعه واقلبيها على الجهتين
وطلعيها على السريع لانها مو محتاجه سوا كلها مستويه
ما تحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتتقرمش من برع
لانك لو غطيتيها بتذبل وبتسيح معك
وهذا شكلها بعد القلي
وصوره اقرب
وهذا شكلها من جوى والجبن سايح والطعم يمممممممم
منقووووووول
