بنـآء على طلب اخـوآآتـي ~~ السـرّه ~~ بالصــور لبشرة فاتحة

اخواتي ..
لما اتكلم عن الّسره .. هي حالها حال اي منطقه فالجسم ..
واجب عليك الاهتمام فيها .. لانها تسمى مؤخرة البطن ..

حبيباتي ..
لما اتكلم عن السّره ما اقصد كل الناس يعانون من هالمشكله ..
اقصد الناس اللي يعانون من رائحه فيها و سمارها ..

الرائحه تكون بسبب بكتيريا في السره ..
مو نتيجة اهمالها .. لا بتكون من الحراره ..

مثل المنطقه الحساسه ..
لما تحتر تجيها افرازات و تسمر ..

عزيزاتي ..
لما اتكلم عن السرّه انا ما راح اخليك تلعبين فيها و اسبب لك فتق ..
انا احاول اساعدك في علاجها اذا كنتي من النوع اللي ما يحب يزور الطبيب ..

تأكدي ان هذي المنطقه حساسه جدا ..
عشان كذا يجب ثم يجب عليك الاهتمام فيها بنعومه شديده ..
و ابتعدي عن الخشوونه .. يعني ما يحتاج الدعك بقووه ..

وتأكدي ايضا ان هذي الطريقه مجربه مني شخصيا ..

بعض الاخوات صارحوني بأنهم يعانون من رائحه في السره رغم اهتمامهم بها ..
و البعض يعاني من سمارها .. ويعتبرون هذي مشكله جدا حرجه ..
وما يقدرون ينزلون مواضيع لان الله يهدي البعض بردودهم ..

بناء على طلب اخواتي ..
حبيت انزل لكم موضوع عن تنظيف السره و لمعانها و التخلص من الرائحه ..
بإذن الله ..

————

كل اللي نحتاجه اشياء بسيطه في البيت ..
و راح ابدا هذا البرنامج على ثلاث مراحل بسيطه ..

المرحله الاولى:

– عودين اذان ..
– مسحه طبيه ..
– ملعقه صغيره بيكربونات الصوديوم ..
– ملعقه صغيره بيبي اويل من جونسون (او اي زيت اطفال) ..

خذي فنجان قهوه فاضي .. و حطي فيه ملعقه صغيره بيكربونات الصوديوم ..

ثم حطي فوقهم ملعقه صغيره بيبي اويل .. و اخلطيهم ..

كذا يصير شكله .. مو سايل .. شوي ثقيل ..

الحين نستعمل عود الاذان و المسحه الطبيه ..

خذي شوي بعود الاذان و بحركه حلزونيه ناعمه نظفي السر ..

بس لا تدخلينه مره مره .. ولا تكونين على السطح مره مره ..
يعني خليك وسط .. و بنعووووومه مو بقووه ..

ثم خذي المسحه الطبيه و امسحي السر بنفس المكان اللي دخلتي فيه العود ..
و الحين استخدمي العود الثاني بنفس الطريقه ثم اقلبي المسحه الطبيه و امسحي ..

ملاحظه/ لا تستخدمين اكثر من عودين ..

و اذا خلصتي حطي على السره مسحه بصبعك فازلين ..

ملاحظه/ اذا حسيتي بألم في سرتك عادي لا تخافين ماصارلك فتق ..
طبيعي بيألمك لان المكان مو متعود يدخل فيه شي ..

المرحله الثانيه:

خلي الفازلين اقل شي ساعه .. ثم تحتاجين ..

– اسكينول ( عادي اي نوع ) ..
– عود اذن ..

حطي شوي اسكينول في العود و امسحي فيه الفازلين كله ..
استخدمي الجهتين من عود الاذن ..

ملاحظه/ عود اذن واحد فقط ..

المرحله الثالثه:

تحتاجين لـ بودره للحراره الجلديه ..
او بودرة امتصاص الحراره ..

بعد ما تمسحين السره بالاسكينول حطي البودره على السره ..

ثم قبل النوم حطي بمسحه من صبعك زيت الزيتون ..
( يفضل يكون من المعصره الاصلي ) ..
عادي حتى لو ما راحت البودره .. حطي زيت الزيتون ..
و يفضل زيت الزيتون يوميا قبل النوم ..

ملاحظه/ هذا البرنامج بعد كل استحمام فقط ..
اما زيت الزيتون يفضل استخدامه على السره يوميا ..

و المتبقي من خليط ( بيكربونات الصوديوم + بيبي اويل ) يمكن حفظه بالثلاجه للاستخدام المره القادمه ..

وبس ..