تشوف إنه صعب ما ط£ط¬ظٹظƒ ..؟
تشوف إنه صعب تجيني ؟
…!
وأنا أشوف الصعب ذاته ..
أجيك وأسيلي دمعتي وأرجيك ..
وأرجع خاطري مكسور ..
محاولة وحده تكفيني ..
عشان أعرف فشل كل التجارب معك ..
وأنا عدت التجربة لجلك ..
كثير عدتها والله ..
مبطي وأنا أعيد التجربة هذي ..
وكل مره تصير التجربة اسوء ..
وفشلها ذريع وواضح ..
حبيبي ..
كان تدري أو ما تدري ..
أو تبي تدري ..
أو ما تبي تدري ..
أنا من قبل مدة ..
كنت اسمع الجسمي يغني ..
وكنه يغني لي ..
وكنه يغني لي ..
أنا ماني بخايف منك ولا مـن حظـي العاثـر
أناخوفي من الدنيـا ومـا قـد فـات يكفينـي
تعبت أتخيّلك وارسم ملامـح وجهـك الطاهـر
تعبت اشتاقلك وانتـ أساسـا ساكنـٍ فينـي
تعبت أرحل عن همومي واجيك من الفرح طاير
تعبت أشكي على صدرك ودمعك ما يواسينـي
تعبت اسهر لجل عينك تعبت أحتاج لكباكـر
وباكر وينها شمسه وليلـك نـام فـي عينـي
تعبت اتذكرك وانتـ بعيـد والزمـن ناكـر
تعبت من الغرام اللي سرابـك فـي شرايينـي
تعبت من التعب نفسه وروحي مالهـا خاطـر
تكمّـل رحلتـك وانتـ دخيلـك لا تنادينـي
رحلت وعزتي باقي وانا فـي عزتـي نـادر
أموت من الولـه يمكـن ولكـن مـا يبكينـي
غلطت بقسوتي وادري كبيره غلطـة الشاطـر
عزاي إني لجل عينك ذبحـت الحـب بيدينـي
رحمتك من عنا شوقي وقصه مـا لهـاآخـر
وربـي بعـد ذا كلـه مصيبـه لـو تلومني
وسالت دمعتي مني..
وحاولت إني أخفيها ..
أوقفها ..
وأداريها ..
ولكن التعب كايد ..
نسيت إني وسط ناسي ..
وقمت اصيح بصوتي ..
حقيقة أنهرت وما ودي ..
حقيقة أنهرت وما أنلام ..
واشوف الدهشة بعيون إلي حضني يخفف أوجاعي ..
وينشد عن سبب دمعي ..
وتجاوبهم دمعاتي ..
ونحيب الحزن في صوتي ..
وصياح تقطعه الغصات ..
وعرفت إني تعبت ..
وإن الحظ غدى بك مثل ما جابك ..
وعرفت إني إلي توهم مطر في صحراء أيامه ..
وعرفت إني أعزي نفسي بنفسي ..
في موت الحب في أحساسك ..
حبيبي ..
لو بقلبك قلب ..
عرف معنى الهوى والعشق ..
قسم بالله ما تبكي عبونٍ صانت ارسومك ..
ولو إني أشك الحين ..
وبعد الحين ..
وقبل الحين ..
بإنك يوم عرفت الحب ..
بشك إنك عرفته بس مع غيري ..
وغيري يعني إنك خنت ..
وخنت يعني أسمح لي ..
خلاص أنتهى وقتي ..
بأخذ كل أحزاني ..
واوجاعي ..
والآمي ..
وجروح الجرح من أيدك ..
في بعدي أكيد تسليني ..
إلين أسلى ..
غرامٍ أنتهى بجمرة ..
أحبك ..
حقيقة ما أنكر ..
ولكني ..
عجزت ألقى لبقائي عذر ..
وقلبي إلي جرحته كثير ..
وقف مجروح يلوح لقلبك ..
أنا ماشي ..
ولكن كنت متمني ..
أروح وخاطري مرتاح ..
وأبكي حرقة افراقك ..
ماهو حرقة اطعونك ..
ماهو حرقة اطعونك ..
أحبك كانها تكفي بعد فرقاي ..
ولكن وصلي أعذرني ..
تشوف إنه صعب ما أجيك ..؟
تشوف إنه صعب تجيني ..؟
…!
وأنا أشوف الصعب ذاته ..
أجيك وأسيلي دمعتي وأرجيك ..
وأرجع خاطري مكسور ..
