….السلام عليكم ورحمة الله وبركاته….
حزني بدى يكتب على وجهي حروف
الحبر دمعي والورق جلد خدي
مرات يكتب والبشر عندي اوقوف
يضمني موتي ولا بيح سدي
تبي تعرف شيكتب الدمع وتشوف
شفني أليا من ضقت انا قلت :ودي
الخد الأيمن يكتب الدمع ملهوف
والخد الأيسر يكتب الدمع ردي
ولامن كتب رحت اتلفت من الخوف
ثم صاح قلبي وتمسح الخد يدي
القلب راكد لكن الدمع ملقوف
من سبته واصل من الضيق حدي
كله سبب من هو نكر كل معروف
اللي مع وقتي علي صار ضدي
اللي غلاه بداخلي حافني حوف
أغليه لوِّه صار خصمي وندي
غلاه ثابت لو حصل بيننا ظروف
مهما بدر منه جفا او تردي
في ذمتي حبه ركز داخل الجوف
ابيه لو انه يبي اليوم بعدي
ياكثر مامرو على عيني خشوف
ولاشفتهم عيني عشانه تصدي
هذا أنا دايم أحب مقدر أعوف
خلوه ظٹط±ط¬ط¹ دامه الوقت يمدي
ضايق ومتعومس وحارتبي أوصوف
ازعل على روحي على الغير أعدي
أكثر من اللي شفت وشعاد باشوف
يالله تفرجلي ألياقلت (ودي)
….تحياتي….
