&صيف شديد&
الصباح اليوم في بلادي غير عن كل صباح..فتحت الستارة واغتسلت وصليت..دعيت فيها بكل صدق وتمنيت..بعدها..فتحت المصحف على الجزء الأخير ..وبدية أقرا الين ارتويت..وعلى الطاير..قوية بدني بلقمتين.. كالعادة..جسيت النبض على طفلي الصغير..آه..يا ليتك تدري كم أعاني وعانيت لجل ما أشوفك تعاني..حبست الدمع في سجنين..وحكمت عليه بالتأبيد..قبل الغروب…حالتي ما هي بحاله..عطشانة..أبي أروي شوقي لحمودي الحبيب..خطفت وردة من بين مليون وردة للجار القريب..ودخلت وأنا أنادي على حبي الوحيد.. بعد ثلاثين سنة من فصل الربيع
..جئ بعده صيف شديد.. وقبل ما يغادر..حرق قلبي المضحي ..وأطفآ لي شمعة الليل..مو بس كذا..نثر بعد صفحات الكفاح على الساحل البعيد..بس؟!!…تراجع عن قراره الأخير ..ورجع يرميها وسط بحر عظيم..يذوب قلبي حينها ..مثل ما ذابت شمعة عيد ميلاده على يدي اليمين..وأحمدك يارب إني ما عشت ولو يوم من فصل الشتاء المطير
