فطاير رووووووعه تذوب في الفم من يديني واحلى من الجاهز …. بالصور
مساااااااااااااااااااء / صباااااااااااااااح الخير
شخباركم يابنــــــ ـــات ان شاء الله بخير
رجعت لكم اليوم ومعاي احلى فطاير من مطبخي والطعم جربوها وتعرفون
فطاير مثل الجاهزة وأحسن
المقادير :
3 اكواب طحين ابيض
م ك خميرة فورية
3 م سكر
رشة ملح
بيالة زيت
كاس وربع ماء دافئ
الحشوة :
اللي تحبين انا سويت
زعتر بالخضار ( زيتون وطماط )
جبن تشيدر وكرافت مخلوطين مع بعض
بيتزا ( صوص البيتزا + زيتون + جبن )
الطريقة :
1- نخلط المقادير الجافة مع بعض بعد كذا تصبين عليها المواد السايلة وتعجنينها بالعجانة لحد ماتتجانس العجينة مع بعض .
2- نغطي العجينة لمدة ربع ساعة او لحد ماتتخمر .
3- نكور العجينة لكور ونبدا نرق كل وحده ونحطهم في صينية ونخليهم يتخمرون مره ثانية عشر دقايق .
4- نجهز الصاج ونحط العجينة عليه ونحط فوقها الحشوة ولما تستوي وتتحمر نصفطها ونشيلها .
( اذا تحبين الفطاير محمرة من داخل وبرا اول شي حطي العجينة وخليها تتحمر شوي بعدين قلبيها وحطي بوسطها الحشوة على الجهة اللي تحمرت واذا استوت الجهة الثانية صفطيها وشيليها ) .
5- ضروري تغطين الفطاير بعد ماتشيلينها من الصاج عشان تحتفظ بالحرارة وماتصير يابسة لوقت التقديم .
منقوووووووووووول
