لاتحسبين العرس توفي وكتكات فن

ليله سعيده وأنتي أحلى الجميـلات,, تشخص عيون الناس إذا حضـرتي..

(واللاينر) حطيـه بـلا زيــادات,, لا يخـرب المكيـاج إذا دمـعـتي..

(والمسكره) تحتاج لطف ومـدارات,, حتـى يبـان أزين إذا غمضتـي..

(والاسبريه ) رشيه حتى البصيـلات,, يمسك شعرك زين ولـو كـان زدتي..

وترى(المحدد) فن يحتـاج رسمـات,, يبـان رسمـه زيـن إذا ابتسمـتي..

العـرس يابنت ماهـو شعـارات,, تفنـى مراسيمـه وتبقيـن أنتي..

أول نصيحه لك حفـظ الصلـوات ,,صلي العشا والفجر في كل وقـتي..

والتعري لاترضين عند الكوفيـرات,, ولبسـك يملـي العيـن إذا لبسـتي..

واللي على زوجك تحرضك مرات,, أرجوك شوتيهـا شوتـت بلنتـي..

والصبر في العشره حتى على فتات,, ياماحـلا فعلتـك يومـك صبـرتي..

وإذا حفظت السر مـع المـدارات,, زوجك ترى في عيونه أنتي كبـرتي..

والسوق يعني هاه وقت الضرورات.. وإلاتـرى زوجـك يـدور لمفتـي..

زيدي الغطايه وكثري في العبايـات؟؟ والله يرضـى عنـك إذا سـتـرتي..

أوصيك بالكبسـه وكثـر اليدامـات.. حتى لوانـك مـن سببهـا متنتي..

وخلي الرجيم اللي فشلتي فيه مرات ..سويـه مـرةً واحـدة لا ولــدتي..

أوراق شاعر يرسل أزكى التحيـات,, خصيـه بالـدعـوة إذا دعـوتـي..

مما راق لي…….