لو ضايقك كثر انفعالي – همس القوافي

العتب ماهو زعـل .. لوضايقـك كثـر انفعالـي..

وأنت لو ازعل على كل البشـر ماازعـل عليـك!!

بس.. لاطـال الغيـاب وضاقـت صـدور الليالـي..

سقت لك ماجا علـى البـال وتحمـل مايجيـك!!

يوم شفت الكون كنه فـي غيابـك شبـه خالـي..

صحت في وجه الزمان وقلت فيـك وقلـت فيـك!!

ضاقت وسـاع الفجـوج بعينـي وزاد انشغالـي..

وين رحت..؟ وليه رحت..؟ ولي متى وانا احتريك!!

كنت ادور في عيـون النـاس اجابـه سؤالـي..

يمكن اعرف وين رحت وليه رحت وكيف اجيـك!!

كنت اقول لكل شارع ..( ماوطتك اقدام غالي)؟!!

من كثر ماكنت ابي قربك وابـي دربـك وابيـك!!

كنت عنك..اسأل نسيـم الصبـح لامـر متعالـي..

ماحمل يمي على دربه جـواب مـن يديك!!

وامتلا صدري عتب..وأنت السبب في ماجرالـي..

ومن بعد هول التعب جيت اشتكي لـك واشتكيـك!!

تدري انك كـل عشقـي وإن غيـرك ماطرالـي..

وإنـك بقلبـي لحالـك وان مالـك بـه شريـك!!

وإن قلبـي لـو تفجر بالعتـب وقـت انفعـالـي..

زاعـلٍ منـك ..وعيوني ماتزعلنـي عليـك!!

ممــــا راق لــــي

لقراءة ردود و اجابات الأعضاء على هذا الموضوع اضغط هنا
سبحان الله و بحمده