ياحظي المنسدح وشفيك مشقيني
انهض يامال الوجع قم غير احوالي
الله وشلون بصبـر باقـي سنينـي
لصار خلي عنيد والحظ مـا جالـه
بالله هلي غزيـر الدمـع ياعينـي
يمكن دموعك مع الأيـام تحتالـه
يا أهل الهوى ماحصل بالحال يكفيني
حتى مع الناس لا سالي ولا دالـه
ياحظ كل البشر كـلٍ فطـن فينـي
اجلس معاهم وعيني إتشوف تمثاله
في كل لحظه أحـس إنـه ينادينـي
أفز لبيـه وأرجـع حالتـي حالـه
لا به قريـبٍ ولا غيـره يسلينـي
الصاحب إلي عسى الله يسعد أحواله
إن غاب عني جلست أصفق إيدينـي
وأقول يارب ياجعلـي علـى بالـه
وإن شفت زوله حرام إنه يهنينـي
إي والله أهنى بقرب الزين ووْصاله
ليته قريبي ولـد عمـي ويغنينـي
أو ليتني ياهل الحب أقـرب لخالـه
سود الليالي على ذكـراه تشقينـي
ليت الليالي تعلمني عـن أحوالـه
حتى الهبايب على طريـاه تعطينـي
تجلب لي النود ريح المسك وأشكاله
ياقلبي إصبر لعّـل الحـظ يأتينـي
أو مالك إلا تعيش وحالتـك حالـه
ياحظي المنسدح وشفيك مشقينـي
حرام ماباقـي إلا الحـظ وآمالـه
*****
منقوووولهـ
*****
