السلام عليكم انا طط§ط¨ظ‡ ط§ط³طھط´ط±ظƒظ… عن ظ…ط´ظƒظ„ط© امي
من كم سنه امي اكتشفت ان ابوي متزوج عليها وجهة واعترف المهم امي صارة بعد هذي السالفه تعبت ومرضة وحالتها النفسيه زفت وكله تبكي وربي انها تكسر الخاطر تبكي كانها طفل والمشكله انها مش مقصره بالعكس ابوي المقصر ابوي كان بخيل مره والله العظيم ان كان يعطينا اناوخواتي البنات 200 الريال وهذا ينقال مكشخنا 200 وشوفونا بالعيد الله لا يوريكم وربي يذلنا ذل ع الفلوس وربي والحين يوم كبرنا كثرنا يعطينا 500ريال ويقول لنا دبرو نفسكم طبعا ياعمري عليها امي والله اانها تبيع ذهبها علشان نلبس شي زين ماترضى احد يذمنا او يذم لبسنا
المهم الي يقهر ان ابوي مقصر في شغلات كثيره وع زوجته الثانيه لا والله في اشياء مايرضى يشتري لنا بحجت غالي ونكتشف انه شاري لها الي متزوجها سوريا والحين جايب اهلها ويصرف عليهم واحنا من نقوله نبي نروح مكان كذا مش اليوم وقت ثاني بكره طبعا بكره بعد شهرين واكثر والله ماابالغى تخيلو والله والله انا حتى 10 ريال مايحطها في ايدي والله يخلي حافز والله هو ساد طلاباتي وطلابات خواتي طبعا وظيفه مافي مابقى وظيفه ماقدمت عليها المهم نرجع لموضوعنا امي جامعيه من النوع الي تكشخ جنزات وتنانير قصيره بس ابوي صاير اسلوبه زفت وش الحال والله ان امي كل يوم تبكي اخر مره شايفه مسج منها كاتبه له عمري خل نطلع مكان حلو خل نتعشى في مطعم وامي تطره لها سنه ويقول ليه انا متعود اروح مطاعم المشكله ابوي مخلي البيت فندق نوم واكل وبس طبعا ابوي مش قايل لنا انه متزوج احنا درينا من امي وابوي يفكرنا ماندري علشان كذا ماينام عندها
والمشكله ابوي عنده خير والله لو ع قده كان عذرنا والله في خاطرنا شي مااحد يشتريه لنا الا امي طبعا امي جاها ورث طار كله علينا احنا 7 وامي8وش بيكفي والله ان مابقى لها في حسابها شي كل تصرف علينا ان جاء مناسبه ماعطانا شي عطانا 100 ويقول اخر مره انا معطيكم وشوفو ومتى اخر مره
ويوم تقول طلعني يقول لها انتي كل تبين تطلعين والله عاد هو مايطلعها الانادر وكل جمعه بس امي اطفشت والله هو امي ماهمها طلعه بس منقهره ليه هو يطلعها وهي لا ليه هو يجيب لها وهي لا وش الحل كشخه اكشخة له كل فتره تغير استايلها دلع دلعته ومافي فايده كل ماله يستلعن ويتغير ازعلت عليه وطنشته عادي عنده احيان اقول لها طنشيه وعشي حياتك تقولي انا عايشه حياتي بس انقهر يصرف عليها وع اهلها وانتو لا انتو يوم تطلبونه شي بالموت يجيبه لكم وهي ع طول طبعا يمكن تسالون كيف تعرف انه يسوي لها ويجيب لها
طبعا طبع الحريم شين اذا شكو شكو امي من النوع الي تفتش بسياره وبالجوال وكل تشوف اشياء وتستعجب وتنقهر اخر مره امي شايفه ان جالسه يعالج اختها ع حسابه هي اتوقع ماتجيب اعيال جابت واحدة وقفت ادري طولت عليكم بس ابي حل لمي والله ان احنا تعبنا من الهواش والمشاكل الي تصير في البيت نتيجة اهمال ابوي المشكله احنا ماعندنا اخوان كبار نعتمد عليهم ماعندالله الله ثم ابوي والله لو عندنا كان يمكن مصيبة امي كانت اخف يعني ماراح تكون بحاجة ابوي والمشكله امي مش اجتماعيه كثير يعني ماتعرف احد وماتطلع كله في البيت انا اقول لو هي تطلع وتختلط في الناس كان مصيبتها هانت ع الاقل تنسى وماتدقق كثير ادري طولت عليكم بس الي عنده حل او يقدر يفيدني يقولي
التصنيفات
