عندي مشكلة جارة والله اكتر من اختي ومش عارفة احلها قولت اعرضها عليكم
ان دل علي ان معظم الرجالة ما يعرفوش العشرة ولا الرحمة
انا ليه جارة اشتكت لي ان ولادتها لسة متوفية من اقل من 3 شهور وكانت متجوزة من ابوها من 41 سنه
وانجبت منه 6 أولاد
ولما تعبت من عامين امتنع عن الانفاق عليها رغم ان مرضها سرطان وكمان اصيبت بالحمرة في رجليها وضعف بعضة القلب وضغط عالي وغيره المهم
الست دخلت غيبوبة قبل وفاتها ب 27 يوم وفجاة الراجل بعد وفاتها ومن اول يوم ظهر عليه انه مش زعلان عليها نهائي وابتدي يعامل اولادة اللي بيقربوا ليه بشكل غريب
مش عاوزهم يزوروه ومش عاوزهم يزروه بعيالهم ولا يطبخوا له
وابتدي يدور علي عروسهوعنده بالبيت ولدين لسه ما اتجوزوش ولده عنده 13 سنه والتاني شاب عنده 24 سنه ولسة عايش معاه بل وبيشتغل معاه وبيدخل دخل بالبيت
الغريب انه اصبح يتعمد الكلام بالسؤ عن ام العيال المتوفاه
ادام اي حد وبالافتراء وبيقول بكرهها
الغريب انه ابتدي ينجد في الحارة ادام الناس للجديدة القادمة ولما ذهبت ليه احد بناته الكبري تتحدث معاه في امر ان امهم المتوفاه كانت قد ورثت من امها بعض المال واشترت بيه قطعة ارض وانه اصر ان تكتب الارض مناصفتا بينه وبينها
وبالفعل تم ذلك
ولما اولاد قالوا له طيب حق امنا اللي اخدته من مال امها وليس مالك وانها كتبت ليك النصف فقط لارضائك اذاي عاوز واحده اخري تورث فيها رد وقال انت ما لكوش حاجة عندي والجديدة هـــــــــتجوزني وعارفة اني عندي ارض وعربية وشقة بعفشها بتاعت امكم
عارفين العجوز عنده كام 62 سنه
حقة الجواز ومش حرام بس
عارفين عمل ايه؟؟؟؟؟
ببساطة لما ولاده بعد ما ضحك عليهم بانه طيب هكتب ليكم الارض اللي اخدتها من امك وهاتوا العقد امضي عليه
ولما راحت احدي بناته بالعقد فعلا لينفذ كلامه معاهم
اتهجم علي بنته وطردها من بيت امها وكمان طلع الشارع محاول قتلها بالخنق ادم الناس جميعا بالحارة ولولا تدخل بعض الجيران لكانت مع الاموات
والبنت طلعت علي القسم وعملت له محضر بتقرير طبي
والاب اللي مش اب هينزل جنحة ضرب وعقوبه مشددة
والامر هيكبر
ولما حاول الاقارب حل المشكلة قبل ما تزيد بمهزلة حبس الاب
ونزلوا في البنت التي تحتل مركز احتماعي محترم
واصروا علي انها تروح للاب تراضيه
وبالفعل رغم رفضها والاهانه راحت تراضيه
ادام الجيران والاقارب وباقي اخواتها فكان منه انه فتح باب الشقة وطردها تاني مرة وقال ليها انت موتي وانا ما خلفتكيش وكمان مستحيل امضي
وعوزه تحبسيني ابقي احبسيني
*********************************
ايه رايكم ده اب
والعيال تعمل ايه لما بيطردهم من قبل ما يتجوز لسه وهو يدوب بيعمل ترتيبات جوازه
والكلام القذر اللي بيقولة من شتمه وغيره علي ام العيال ادام العيال وغيرهم وبرغم ان عياله مش عاجبهم وقالوا له لو سمحت بلاش تتكلم بالسؤ عن امنا
وبعدين يحق للاب ما يتخانق مع ولاده يطردهم من بيتهم اللي اتربوا فيه ويجري يخنقم بغرض الموت وقبل كده كل ما يزعل من ابن من ابناءه يجري يجيب سكينه ويجري وراه
ايه الحل رغم انه رافض يبطل تصرفاته الغير مقبولة وبيعتبر علشان اب يعمل ما يشاء وكيفما يشاء 
التصنيفات
