مرحبا أعضاء المدونة ؟؟؟؟؟؟؟؟
انا عضوة جديدة سجلت اليوم وهاي أول مشاركاتي
عندي مشكلة و بدي تساعدوني بحلها
راح أحكيلكم قصتي عشان تفهمو وضعي .
انا طبعي وشخصيتي حساسة كتييير و دلوعة وبسرعة ابكي و خجولة شوي بس جريئة بالمواقف الصعبة
اول شي كنت عايشة بالامارات وكنت فرحانة كتيير هناك
بصف سادس كانت آخر سنة الي بالامارات لأني راح أسافر ع الأردن عشان أختي الي أكبر مني تكمل دراستها وتدخل الجامعة ولأنها بنت ما بنقدر انخليها لحالها بالأردن وسافرنا وأنا ما كنت بدي أسافر كنت بدي أضلني مع صحباتي الي بحبهم وبحبوني زعلت كتير وودعتهم وحسيت بالوحدة و بعدين رحت ع مدرسة جديدة وهناك شفت معلمة حبيتها كتييير اسمها دعاء كنت صف سابع و كنت أخجل أحكي معها بس هي أما المعلمات التانيات كنت أحكي معهم عادي المهم ما كان عندي صحبات ولهلأ و أنا ما عندي صحبات وأنا ما بحب الوحدة وكنت كل يوم أبكي كل يوم
كنت أحس حالي مكروهة وما كان في حدا بحبني و أحس بالوحدة داايما و ما عندي صحبات
حتى ماما وبابا صارو يكرهوني بدون سبب هيك كنت أحس كانو دايما يفضلو اختي علي و يشكو فينني
و ما بثقو فيني أبدا ليش ؟؟ ما بعرف و بنات عمي وبنات خالي كانو يفضلو أختي علي كمان و كن أحس انهم ما برتاحو معاي وبحس لما أكون مو موجودة معاهم بكون أحسن بفرحو كل منكون قاعدين مع بعض يعني مجموعة بنات مع بعض بتعمدو يجرحوني دايما بحكو من وراي وقدامي كمان بحكولي كلمة وبعلقو علي وبجرحوني ليش هيك بدون سبب وكل ما احب وحدة بتعاملني بدفاشة معاملة مو كويسة وبتحكي معي بطريقة تانية بتحكي معي بطريقة غير عن الناس التانيين ليش ؟؟؟ ما بعرف
نفسيتي تعبت كتييير ومن كتر البكاء قلبي صار يوجعني ( يعورني ) كنت أبكي وما كان حدا حاسس
فيني ومرة بالليل كنت أبكي و كان قلبي يوجعني و ما كنت قادرة أتنفس و رحت أنادي بابا وقفت عند غرفة بابا و أغمى علي وبابا وداني المستشفى وهناك حكى الدكتور انه نفسيتي تعبانة كتييير و اذا ضليت هيك راح يصير معي مرض بالقلب و لازم ما أبكي و أريح نفسيتي و أجت ببالي فكرة سألت الدكتور شو مرض القلب وشو أعراضه وشو علاجه وحكالي كل شي عنه و رجعت البيت وفكرت شوي ليش ما أكذب ع البنات وعلى المعلمة الي أحبها و أقول انه معي مرض بالقلب بس أنا ما كان معي شي نسيت اقوللكم انا بعد ما نفسيتي تعبت تغيرت شخصيتي كلها و تركت الصلاة و ما مسكت القرآن أبدا و صرت أكره كل الناس مع اني والله ما كنت هيك بس كراهية الناس لي هي الي خلتني هيك كنت أحب كل الناس وما كنت أغلط أبدا وكنت ملتزمة بالدين و احبه وما كنت أكذب أبدا والله
و كذبت ع ظ…ط¹ظ„ظ…طھظٹ وقلتلها انه معي مرض بالقلب و رحت ع الموعد عند الدكتور وحكالي انه في تحسن
و المعلمة صدقت كانت تسألني شو صار أنا قبل ما اروح ع الموعد قلتلها اني رايحة المستشفى وصدق رحت المستشفى وما كذبت عليها بس كذبت عليها لما قلتلها انه معي مرض بالقلب كذبت لأني كنت مفكرة انه اذا كذبت تصير تحبني وتهتم فيني لانها عارفة انه معي مرض بالقلب ورحت ع الدكتور وحكالي في تحسن بعد ما رجعت من الدكتور غيرت ملابسي و سكرت بابا الغرفة بالمفتاح و رميت حالي ع السرير وقلت في نفسي ليش صرت هيك كنت أول شي ما أصلي ليش لما كذبت صرت اصلي و
كل شوي أمسك القرآن و اقرا فيه وبعدين صرت أتذكر الصلوات الي ما صليتها والبنات الي غلطت عليهم و معلمتي الي كذبت عليها والمسبات الي كنت اسبها صرت أبكي وهذي اول مرة أبكي هيك كانت دموعي سخنة كتييير و ابكي بحرقة ما كنت متوقعة صرت اتذكر المواقف الي صارتلي مع معلمتي كانت مواقف حلوة كتيييير كذبت ونسيت كل شي عملتو لي و نسيت انها تحبني و تثق في ليش كذبت و أنا أعرف حالي ما كذت ولا مرة بحياتي مثل هاي الكذبة استغفرت الله و ندمت و تبت له
ومن هداك اليوم و انا أصلي و أقرأ قرآن وما كنت اغلط أبدا أما لما كانت نفسيتي تعبانة كنت أغلط كتييير و صلحت كل غلطاتي كل شي عملتو صلحتو بس بقى الكذبة هذي أنا ما بقدر أصلحها ما بقدر احكي لمعلمتي انه أنا كذبت عليها قولولي شو أعمل ؟؟؟؟؟؟؟؟؟؟؟؟؟؟؟؟؟؟؟؟؟؟ أحبها كتييييييييير وما بقدر أتخلى عنها و انا خايفة اذا حكتلها تصير تكرهني مع انه كنت احمد ربي انه كذبت لأنه هاي الكذبة هي الي رجعتلي شخصيتي الأولى انا خايفة من ردة فعلها كتييير
شو رايكم أحكيلها ولا لا ؟؟؟؟؟؟؟؟؟؟؟؟؟ بدي رأي المعلمات وال طلاب خصوصا
اذا حكتلها راح تصير تكرهني و ما تثق فيني و أنا ما بدي تكرهني و اذا ما حكتلها ما بقدر أشوفها
تبتسملي و تضحك معي و أنا ما استاهل هادا الشي ما أستاهل
و أنا مو من النوع الي يعتذر ما بحب الاعتذار صصح أنا أغلط و أعترف بغلطي بس ولا مرة حكيت لأي انسان انا آسفة ولا مرة بس عشا معلمتي راح أسوي أي شي احكولي شو أعمل بليييييييز ط³ط§ط¹ط¯ظˆظ†ظٹ والله أحبها و ما بدي تكرهني أووووووووووووووت عليها كنت جاهلة لما كذبت شو أسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احكي ولا لا ؟؟؟؟؟؟؟؟؟
آسفة طولت عليكم كتييييييييييييييييييييير وشكرا للي راح تساعدني :w69:
التصنيفات
