السلام عليكم 
أول شي لازم يكون عندك بصل أبيض منقوع في كمية كبيرة من الخل الأبيض لمدة يوم كامل حتى يقضي على ريحة البصل وما يتأذى أبو العيال من الريحة خصوصا للصلاة في المسجد ….
أولا : سلطة الجرجير :
شدة جرجيرتقطع الأوراق بحجم وسط + طماطة كبيرة تقصينها شرائح +بصل مخلل اللي قلت لكم عنه…وتقلبينه مع بعض ..
أما الصلصة: زيت زيتون وليمون وملح وفلفل أسود وخل وقليل من السكر ..
واذا ما تبين هذي الصلصة عندك الصلصة الإيطالية بس رشيها على السلطة وقلبيها جيدا ………
وعندي سلطة ثانية محطمة أخوي وزوجي :
1- باذنجانه كبيرة ومقطعة بطول الإصبع ومقلية.
جزر + مخلل خيار +خس +بصل مخلل+وفلفل أخضر بارد +ملفوف أبيض +ملفوف أحمر وطبعا كل هذي الخضار تقطعينها طوليا ….
نجي للصلصة : نص شدة بقدونس +نص قلاص من الصلصة الإيطالية ونضعهم بالخلاط الكهربائي … ونرش الصلصة على السلطة وتقلب جيدا ….
للزينة : الخبز العربي ( اللبناني ) تعودنا أن يكون معينات بس عشان مايخرب الدكريشن نقص الخبز بالطول مثل عيدان البطاط ضعيف ولا تطولين عليهم بالقلي …..
وبالعافية… وتكفون ادعولي إن الله يخلي لي زوجي وعيالي ويرزقني بالذرية الصالحة
