دلال المواجع
تناسيت الخطا لجل العيون اللي ملاها الشوق
……….ومسحت الزله بوجه الجرح وقلت بيحيني
و خاصمت الخفوق اللي بليته بالخطا و العوق
……….لجل همي لجل حزني لجل جرحي لجل عيني
ومسحت الجرح باطراف البنان وقلت خلك فوق
……….دخيلك لا تهزك يا خويي قسوة سنيني
تحملت الخطا يوم الخطا ساقه ظليل الموق
……….تحملته لجل دمعه عيوني ورعشة يديني
حبيبي والخطا سيف له بجال الخفوق بروق
……….على حده تساوى بالعطيب الزين والشيني
تمهل واسحب جيوش الخطا ياصاحبي برفوق
……….واذا لك في الخطا نيه ترى اللي فات يكفيني
حبيبي لو سمحت ارجع ووقف عند حد الذوق
……….تمهل قبل تطرحني ولا القى من يداويني
تمهل ما على بعض الجروح الغابرات شفوق
……….قبل لا ينصب جدار الجفا مابينك وبيني
من ط¯ظ„ط§ظ„ المواجع لا تقهويني الخطا ياشوق
……….يكفي واكرم الله يارفيقي من تقهويني
