السلام عليكم ورحمة الله وبركاتة
أنقل لكم
قصيدة الدكتور حمد العصيمي في مسابقة قناة المرقاب [ سلامة سلطان ]
واترككم مع ألابداع
. .
. .
على الطين اوقد النيران وابن الصـرح يـا هامـان
عشان ابلغ بـه اسبـاب السمـا والمـس كواكبهـا
واصافح به يديـن ٍ شانهـا فـوق البسيطـة شـان
يديـن ٍ زاحمـت شـهـب المـجـرات بمناكبـهـا
من اشرف غصن فاطهر عود من شجرة نسب عدنان
خلقهـا الله وطيـب فعلهـا مـن طيـب صاحبهـا
على ارض ٍ رملها مسك وهواهـا نفحـة الريحـان
وماهـا معجـزة نفـنـى ولا تفـنـى عجايبـهـا
يحـن طويـق وتفـز السـراة وترقـص الصمـان
وتختال المخايـل فـي سمـا حايـل وفـوق ابهـا
كـأن الله خلقهـا فابتسـامـة سـيـدي سلـطـان
ليـا مـنـه تبـسـم هـلـت الغيـمـة ذوايبـهـا
شفاك اللي بجودك كم شفى علـة واغـاث انسـان
وفك رقاب كـان المـوت تحـت السيـف قاضبهـا
وعوفيت وتعافـى الجـود والمعـروف والاحسـان
وطابـت بـك نفـوس ٍ غيبتـك كبـرى مصايبهـا
تودعـك الربـاط ونجـد تستقبلـك بـا الاحضـان
دمـوع مودعـة ودمــوع تستقـبـل حبايبـهـا
وتصحبـك السلامـه دامـت ان مرافقـك سلمـان
وتبشر بـا السعـد فـي مشـرق الدنيـا ومغربهـا
هذا رمز الوفـا لـو للوفـا بيـن العـرب ميـزان
تمـيـل كفـتـه مستـعـرب العـالـم وعاربـهـا
اخذ شدة عمر مع ليـن ابـو بكـر وحيـا عثمـان
ومن شلفـا الزناتـي فعلهـا الساطـي ومضربهـا
تحارب هيبتـه عنـه العـدا فـي ساحـة الميـدان
وتكسـر شوكـة العـدوان قبـل انــه يحاربـهـا
عطاه الله من الحكمـة بفضلـه مـا عطـا لقمـان
على ما اعطـت لـه الايـام مـن حكمـة تجاربهـا
امير ٍ كل صفحـة مجـد فيهـا حـط لـه عنـوان
سرايا المجـد خـال وجـد ناخـت لـه ركايبهـا!!
""""
والف سلامة عليك ياابو خالد نورت السعودية كل ابوها
