يقول اختي قلت وش سالفة هالاخت
وقال انتي بحسبة اخت واني الي قلت بدا يعقل بدا قلبة يدق بالصدق
على بالي حن قلبة وصار يدق بذاك الحب
وكلمني وقال انتي بحسبة اخت ..!
وانا مستغربة وقلبي بدا يحسب وينزف هم
وقلت اختك متى صارت متى لسانك نظف وانجن
ولكن هو ولا باله ولا حاسس بشيٍ حي
وانا يا خي على بالي قلب الولد صار يحن
واثاريها يبي الفرقا يبي ينزع نبض هالقلب
يبي يهاجر ولا يرجع ولا كآنه حاصل شي
ولا يدري بإني ديرتة وقلبي ـذاك الحيّ
على باله غريب الدار في الغربة ما بيحن
ما يشتاق لرجعة ولا العيشة مثل ما ظن
بس اسأل غريبٍ عن ديارة سنين ما أوطن
وشوف كيفٍ يكون الرد وكيف العين تحمر جمر
انا في خاطري كلمة ولا ظني تهـزك شي
احبج , يوم تنطقها ترى كيفٍ تطلع منك؟!
ولكـن ما اظن اني بذاك القدر وذاك الشأن
حسافة إني عطيتك حـب وللأسف عشته وهم
حسافة الي مضى بيني وبينك كان بصمة هم
حسافــة هانت العشرة ؟
هان الملح يا الظالم هان العيش في لحظة
حسايف ويا حسايف ما تكّفي ولا توفي شي
ولكني ابرضى بالنصيب الي نصبته انت
وبدعي في صلاتي يا عسى قلبك يحب بالصدق
آنا ماني بجاحد للجميل ولاني بعاتب شي
ولكن عندي مطلب بالاخير وودي تلبيه تم
كلمة اختي لا تقولها ترى كبيرة وياهي غم
إذا ودك تروح وما تجي ارحل ولا تهتم
ولكن دورة الايام بتلعب فيك وبتـتـندم
وأحسااس الضياع الي بحولك ما ابد يرحم
عجل بعد السنين الي مضت وياك
تجي وتقول لي انتي بحسبة اخت ؟!
