لا طار طيرك بالسمـا لا تفاخـر
والطير ما كـل الهبايـب تسـرّه
عمر البحر ما هاب كبر البواخـر
وابليس عمره ما كفى الناس شـرّه
إن كان بحرك بالجزيلات زاخـر
غيرك مَلَك بحره .. وجوّه .. وبرّه
وإن كان مجلاسك على بساط فاخر
لا بد مـا سـود الليالـي تجـرّه
يا الشاعراللي من هَكَالجيل ساخر
اللـي قصيـده بالمجـلاّت غـرّه
الجيل الأول (مدرسـه) للأواخـر
و وهُم موطن إبداع القصيد ومقرّه
لكن كلامك يكشف الوجه الآخَـر
للحاقد اللـي تشتعـل فيـه حـرّه
ما يستوي بالصف الأوّل والآخِـر
واللـي عَـرَف قــدره فلله درّه
يا شاعرٍ بفراش وهمـه يشاخـر
أصحى .. ترى تفّاحة الوقت مُرّه
غيرك يجود بطيبته وانـت ذاخـر
ودرب التواضع خطوتك ما تمـرّه
تواضع .. اترك رافعين المناخـر
وثوبٍ يضيّـق منسمـك لا تـزرّه
روس المشايـخ تنحنـي للمباخـر
ولا انقصت من هيبة الشيـخ ذرّه
م ن ق و ل ه
