قصيده لشاعر عمر بن عجرف الشمري اعجبني فكتبتها لعلها تنال اعجابكم..
حار دمعي في عيوني يوم اطريت الوداع
ماسك قلبي في ايدي خايف انه لك يصيح
مسافر وادري بروحي كل شي فيني ضاع
اجمع شتاتي وامشي خايف دمعي يطيح
اسمعن يانور عيني قبل لا امشي بساع
واسمع اللي لك بقوله خلني مره صريح
من عرفتك مالفيتك كل لحظه في خداع
ولا هويت انسان مثلك في عذابي تستبيح
عايش بمركب غرامك شوقي واحساسي شراع
اتظاهر بالقساوه وانا من بعدك طريح
انت يا ايام عمري يا هنايه والوجاع
ودري ارسم لك شعوري ودي انطق لك وابيح
كل مره كنت اشوفك يابو عيون وساع
كنت اشوفك طفل ضايع يسكنه قلب جريح
وكنت عايش كل لحظه في بعادك في فجاع
يصرخ احساسي بدونك وألتقي بك شبه ريح
فيك غارق في غرامك غرني سوء الطباع
وللعواذل في غرامك كنت في وصلك لحيح
شوقي وحس بغرامك في هروب واندفاع
ضايع ومدري شوصف في صحيح ومو صحيح
واقف ومدري شوصف في شتات واجتماع
عيني بعينك وادري انك لغيري تبيح
وقف وامسح دموعكياللي بعدك لي ضياع
ناظر عيوني وسكوتك قبل لا كحلك يسيح
جيتك بلحظة صراحه قبل لحظات الوداع
جامع شتاتي وراحل ساكت ودمعي يسيل
دام قربك لي عذاب وبعدك امواج وصراع
اسمع آخر بيت قلته فيك يالماضي المريع
ما اقول اني على فارقاك يالغالي شجاع
بس اقول انك على زرع الوصل دايم شحيح
