قصيده محزنه لاكن في نفس الوقت معبره
القصيده هذي قصتها سلطان بن رباح كان له خوي يقال له محمد بن عقيل
كان جمعتهم خوة الدنيا من يوم هم صغارعلى عز ومعزه اكبرو وتزوج سلطان
وجا له ولد وسماه على خويه محمد من زود مايغليه كانو يحبون المقانيص ويحبون
الصيد وطلعو مرا الأثنين ما معهم ثالث وقت بعد صلاة الظهر محمد يسوي الغدا و
سلطان ينظف السلاح فيه طلقه مادرى عنها سلطان في المخزنه ظغط الزناد وثارت
البندق ومات خويه شال خويه وسلم نفسه وبدو المشايخ يتوافدون على اهل محمد انهم
يتنازلون عن سلطان لاكن للأسف وصلت الديه عشره مليوون ورفضو الا راس براس
صدر الحكم على سلطان وقصو سلطان لاكن الصدفه في الموضوع ان قبر سلطان كان جنب
قبر محمد فكانو خوه في الدنيا و جيران في القبور
يافلاح الهم خيم فوق قلبي يافلاح كيف تبغاني اسولف وانت خابرني عليل
وش قولك في عليلآ ماستراح تنتثر دمعة عيونه لا ضلم الليل الطويل
حالته لا ماتباعد حال سلطان الرباح بلخطى راحت حياته و الخطى ماله مثيل
كان ويا صاحبه اثنين في ارض براح يطردون الصيد من الصبح لين المقيل
اجمعتهم خوة الدنيا على جد ومزاح ماياهابون الليالي والحمول الي تميل
ماقتل عامد لاكن ثور ابليس السلاح بلخطى ثار السلاح وين يلقى له دليل
وانعقد سجنه وربعه تنتظر فك السراح والأكيد انه سجين ومارضوربع القتيل
هل دمعه يوم صلى ركعتين في الصباح في نهار الجمعه الي من ثقيل في ثقيل
هلل وكبر ونفسه تذكر الي راح راح كان في ربعه عزيز وذله الوقت الذليل
لامحمد لاتهاني لاسعود ولاصلاح كانوكلهم على باله وهمه في هديل
طفلة ماكملت عامين صايبها كساح وانتثر دمعه وحاله من سبايبها نحيل
حان تنفيذ ط§ظ„ظ‚طµط§طµ وغطو الراس بوشاح وجاك سيافه يشيل السيف ابوحدآ صقيل
وارتخى راسه وزاد الموقف الحامي صياح بين نوح وبين دمع بين صيحات وعويل
وارتفع صوت الحشود وزاده محمد وصاح يايبه تكفى دخيلك تستمع صوت الدخيل
يايبه وشلون نصبركيف نهجع برتياح وانت من دنيا عيالك ياخذك مر الرحيل
يامحمد هاك علمي واحفظه قبل المراح انتبه لخوانك و بالك عليهم لا تعيل
والله الله في الصلاة وفالصيام وفالصلاح والله الله في امكم والله لكم بعدي كفيل
غمض عيونه ونفسه تطلب الله السماح رافعآ سبابته مضلوم والله الوكيل
وسل سياف الصفا سيفه وطقه ثم طاح راس سلطان المراجل انتثر دمه يسيل
غسلوه وكفنوه وفاح طيب السدر فاح والمصادف صار قبره جنب قبر ابن العقيل
يافلاح الكارثه ماهي سوالف يافلاح خلني ساكت ودور غير هالقصه بديل
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين
اللهم ارحم جميع المسلمين والمسلمات الأحياء منهم والأموات
