بسم الله والصلاة والسلام على خير الانام سيدنا محمد علية افضل الصلاة والسلام
تصاب الفتاه بحاله من القلق و التوتر عندما توضع أمام أصعب قرار فى حياتها و هو قبول أو رفض الخاطب و يجول فى عقل الفتاه الكثير من الأسئله التى لا تجد لها جواب صريح و واضح مثل هل هو نصيبى المقدر ؟ , هل هو الزوج المناسب لى ؟ ……………وغيرها الكثير .
ولأن ط§ظ„ط²ظˆط§ط¬ هو شركه الخساره فيها تعنى هدم بيت و جرح الطرفين و تشمل البراعم فى حالة وجود أطفال , و لتتجنبى غاليتى هذه الحيره و تضعى لنفسك المعايير و الضوابط التى تناسبك إليك هذه الدوره المجانيه أسأل الله أن تعينك على حسن الإختيار ………….
وان شاء الله حديثنا عن عريس الغفلة (سورى قصدى فارس الاحلام)
فى الجزء الثانى من دورة كيف تختارى اميرك؟
معنى القبول واهميتة فى اختيارك…..
اول عنصر سنتكلم عنه هو القبول
بصراحة بحثت كثيرا عن تعريف موحد ومجمل للقبول وتالف الارواح ما بين كتب عربية وغربية فى علم نفس والعلاقات الانسانية ……………الخ
فلم اجد اجمل ولا أشمل من حديث المصطفى صلى الله علية وسلم الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ
صدق رسول الله علية افضل الصلاة واتم التسليم
طبعا بتقولى يااااااه نورتى المحكمة ههههههههههههه واية الجديد ما كلنا حافظين الحديث .
هقولك اصبرى و انا هبسطهالك واشربهالك كمان (بمناسبة البرد اية رايكم فى شوب كاكاو دافى علشان نركز )
مبدأيا كدة ومن غير ضرب لا وجود للحب من اول نظرة الا فى الافلام العربي……
لان الحب كلمة اكبر واشمل من انها تهفهف علينا فى نظرة عابرة او ضحكة خاطفة .
طيب امال اية اسمة دة الى بيحصل وتلاقى قلبك دق وشعر راسك وقف ( شكلها قلبت رعب مش رومانسية خالص ).
دة اسمة تألف ارواح او ارتياح ودة شعور بنحس بيه بدون تدخل "سبحان الله "فكما تتصافح الايدى تتصافح الارواح وتتعارف.
هذا الارتياح يرافقنا فى كل تعاملاتنا . فكم من شخصية جميلة المظهر مهندمة اللباس ولكنك تشعرى تجاهها بمشاعر سيئة ولو لم تقابليها الا لمرة واحدة ! بل ولم تفعل لك شئ سئ . وعلى العكس فقد تشعرين بالارتياح والالفة تجاه اخرى وايضا بدون سبب!
هذا الشعور له عدة اسباب :
فالبعض يقول انة ناتج عن تشابة الطباع والافكار والاتفاق فى عدة امور ظاهرية او حتى داخلية.
والبعض يقول انة دور العقل اللاواعى (العقل الباطن) حيث يحتفظ بكل الملفات المصورة لكل الاهل والاحباب وبمجرد ان نقابل شخص لاول مرة يحاول العقل ايجاد شبية او رابط بين هذا الشخص والذكريات المحفوظة فان صادف تشابة مع صفة لشخص محبب حدث تألف وممكن العكس!!!
وغيرها من الاراء .
– المهم ازاى تعرفى ان فيه قبول بينك وبين الخاطب؟
*مبدءيا شعرين وكأنك تعرفينة او هو مألوف (كأنك شوفتية قبل كدة بس مش فاكرة فين) امممممممممم اوعى تسرحى وتسيبى الاخ مع نفسة.
*ولا تملى حديثة يعنى نفسك تسمعية اكتر واكتر وتشعرين ان عقارب الساعة تجرى بسرعة فائقة على غير مرادك
*لما يحكى طرفة اواى موقف (تحسى ان دمة خفيف حتى وان كان فى نظر غيرك *****)
*اكيد لا تشعرى بنفور او ملل او انك عايزة تقومى تقوليلة قوم روح ههههههههههه.
واخيرا لما تنتهى الجلسة ويهم بالانصراف تحسى انك مستنية الزيارة الجاية بفارغ الصبر علشان تكملى كلام معاة .
اظن بكدة اكون وضحت مشاعرك التى تعتبر مؤشر جيد على القبول الروحانى .
نقاط مهمة
1/ أول ما نستفيدة من الرؤيه الشرعيه هو تالف الارواح والقبول الشكلى ودى البوابة للاستمرار فى الموضوع او الانسحاب بهدووووء.
2/لا تجعلى احد يؤثر على قرارك خصوصا فى امر القبول والتالف اذا شعرتى بنفور او وحشة او انقباض . لان الدين لم يشرع هذه الجلسة من فراغ فما تشعرين بة من ارتياح او انقباض هو مؤشر واضح ومحدد لمدى نجاح او فشل هذا الارتباط.
3/القبول امر غير قبل للنقاش كغيرة من شروط الاختيار فهو الاساس الاهم ودعك من الكلام المعروف فى كل بيت ان الحب بعد الجواز, الراجل مش بشكله , هتقبلية مع العشرة……..الخ
صحيح ان الحب يزداد بالعشرة والمعاملة الحسنة لكن القبول لا لا لا فمن تتقبلية فى اول جلسة ستزداد مشاعرك فى المرة الثانية والتى تليها حتى يحدث اعجاب وانجذاب ثم حب .
أما من لم تتألف روحك معة من الجلسة الاولى فلن تتغير مشاعرك تجاهه ولو بعد سنين!!!
العنصر الثانى : وهو طريقة حديثك مع الخاطب وكيف تعرفينه؟
عرفنا ان القبول والارتياح هو بذرة الحب والحياة السعيدة ان شاء الله
الجزء الذى يليلة فى الاهمية هو مدى توافق الخاطب مع شروطك واهدافك . وهنا تختلف كل فتاة عن الاخرى فالمهم عندى قد لا تعيرين له بالا وما تحتاجينة قد يكون لا اهمية له عندى .
بمعنى كل منا لها اهدافها واحلامها وما اجمل ان يكبر الزوجين معا بدلا من ان يكبر كل منهم على حدة كل له طريقة فى الحياة
طبعا مش هنستنا لما نبقى فى الموقف علشان نعصر دماغنا ونمخمخ علشان نفتكر نسأل ونتكلم فى اية؟
وهنا بقى دور كرسى الاعتراف …….. استنى بس متخافيش انتى هتعترفى اه بس لنفسك هههههههههه.
يبقى من دلوقتى لازم تجيبى ورقة وقلم ومع نفسك تكتبى اية مواصفات زوجك المستقبلى
1/ مستواه الدينى.
2/ مستواه الاخلاقى(الصدق,الكرم,اللين,…..) .
3/ مستواه التعليمى والثقافى .
4/ مستواه الاجتماعى .
5/ مستواه المادى ووظيفتة .
6/ التدخين يفرق معاكى ولا لا.
7/ هل يقبل بعملك (اذا كنتى تعملين) بعد الزواج ؟
8/ صفات اخرى يمكنك اضافتها حسب اولوياتك.
وبعد ما تكتبى اهم المعايير التى تريدينها فى زوجك ان شاء الله اعملى جدول وقسمية ضعى فى الخانة الاولى الاسس السابقة وضعى فى الخانة الثانية المستوى الذى تريدينة ولا تقبلين التنازل عنة وان زاد فبها ونعمة والخانة الثالثة (هتحطى فيها التقييم بعد مقابلة الخاطب ).
كونى واضحه وصريحه فهذه البيانات هى نتاج تجاربك واحلامك فلا تدخلى فى تجربة سبهللة او زى ما تيجى ( اصلهم بيقولوا عليه كويس وابن حلال) والله كلهم بيقولوا كده فى الاول وبعد الواقعة كلهم بيصابوا بزهايمر وينسوا الفيمتوثانية الى شكروا فيها فى العريس من غير حتى ما يعرفوه هههههههه.
حبيبتى اعرفى ان الى بتبتدى حياتها سبهللة يبقى يا صابت يا خابت هى وحظها . معقولة تبنى حياتك كلها (دنيتك) واخرتك على ضربة حظ
القرار فى تمهيد الارتباط ( بعد الرؤية الشرعية) يتوقف على قبول + عقل , استخارة واستشارة.
القرار بعد الخطبة (استخارة + عاطفة واحساس)
القرار بعد الزواج (حكمة وعقل وتمهل وقليل من التغابى )
أحبكن فى الله , لا تنسى التقييم لتستفيد أكبر قدر من الأخوات و جزاكم الله خيراً…
هندخل فى قلب الاحداث مع قصه توضيحيه لشكل الحوار فى الجزء القادم ان شاء الله القاكن على خير فى رعاية الله وحفظه ……
تأليف : أ/ ن . ز
