شعر سمعته وبصراحة عجبني كثير كثير ….. وحبيت اكتب كلماته…
وبليز أبي ردودكم.. لا تخجلوني
بعنوان :- يا منــــــــازل
فاجأتني أمي بحجة فضول .. انت شاعر يعني حبيت وهويت !!!
واندهشت وبان في عيني ذبول.. ليش تسألني وعمري ما شكبت
قالت: اسمع يالله صارحني وقول هذا حرفك ولا خرفت ونسيت؟؟؟
أدري إنك طيب وطبعك خجول
أنا أمك وياما أسرارك خفيت
وأدري إنك في الهوى دايم عجول.. مثل أبوك اللي عشقني وابتليت
ضحكتني والحزن فيني يجول.. وذكرتني من بعد ما قد نسيت
آآآآآه يا امي ليش كل هذا الفضول؟؟؟
تجربه مرت وأنا بحظي برضيت
قالت: ادري وباين بجفنك ذبول .. قول يا وليدي ترى احاتي بديت
هات راسك يمـــــــكن أحزانك تزول.. حطه بصر على حـــــبه ربيت
قلت: يا أمــــي ما يطيب الجرح مول.. وكنت كاذب يوم قلت اني نسيت
كيف انساها وانا اللي كنت اقول.. يا عساني الموت اذا عنها سليت!!!
كنت وياها على وشك الوصـــــول … لاجمــــــــل احلام بنينا منها بيت
ما حسبنا حساب حاسد او عذول..
وكنت اقول اللــــــــه انا توني اهتنيت
وكانت توصيني وعدك لا يطول..ودي بقربك احبك ما اكتفيت
يالله نصعد للقمر قلبي عجول.. نسبق العشاق نبني هناك بيت
واتفقنا عالفرح لكن شو اقول……..
خااااااااااااااااان فيني الوقت يوم اني وفيت
اقرب اصحابي وصل منه رسول..
ويوم شفت الظرف ندمت اني قريت…
فيه اسمه خاطب بنت الأصوووول..
يطلب من أشعاري أهدي كم بيت
!!!!!!!!!!!!!!!!!
صحرا في عيوني غدر بكل السهول
ما أدري كنت أضحك أنا ويمكن بكيت
ما هقيت انه صديقي اللي يحول بيني وبين الفرح
لااااااا ما هقيت
ما صدق من قال من يتعب ينول
ما صدق من قال من يتعب ينول
شوفي يا امي كم تعبت وكم شقيت؟؟
كم سنة مرت!! وكم عدت فصول!!
جري الوحوش لقربها والله جريت
هي بصير العين وايدي ما تطول
ومن هذاك اليوم أنا بروحي بقيت
ما هو من قل الأكل هذا النحول .. ما هو من قل الأكل هذا النحول
هذا وقتي اللي طواني وانطويت
ضاعت الحيلة وبدا وقت النزول
خطوة مكسورة لاول ما بديت
ما كذبتي يوم قلتي اني عجول .. ما كذبتي يوم قلتي اني عجول
والدليل اني على نفسي جنيت
ليش خليتيني اتكلم واقول .. ماهي سهلة اعترف اني خطيت
هو سؤالك حيرة ولا بس فضول؟؟ جاوبيني دام انا قلت وعنيت
ليه سكوتك؟؟ ليه كل هذا الخمول؟؟ قولي اي كلمة مادام اني شكيت
والتفت وبان في عيني ذهول !!!
ناااامت امي وكاني لا قلت وحكيت…
ودمتم.. منقوووووووووووول
