بديت أنفض عن عيوني غبار الوقت مع جوره=بديت أرفض مسافات الحزن..وأحطم الأسوار
أحس بداخلي إحساس دافي..دافي..شعوره=يعيشني بأمل كاذب..ينسيني الألم والنار
بديت أحب دنيا الحب.. وفيها صرت مسروره=يدق القلب من ثاني.. يعاني بالهوى.. ويحتار
ومن شفته.. نسيت الهم..ملامح صورة مهجوره=بديت أجمع شتات ما يلمه وقتي الجوّار
وأسترجع من اللي فات.. شباب ذبلت زهوره=أدور عن عيون الحب.. بعد ما جفت الأمطار
مثل وردة أنا أحتاج لأرض تكون ممطوره=أبي أشرب.. أبي أحيا.. أبي الرمضــا تكون أزهار
أبي أدفا.. ذبحني البرد.. ذبحني بقسوة شهوره=لفحني القيض في صدري.. وعيّت ترتوي الأوتار
تقول الناس من حولي بلا حبي يا مغروره=نسيتي وضعك الحالي((طلاق))بموجتك بحّار
أثاري الفرحة في قلبي قطعها الياس بحضوره=صفا وقتي لبعض الوقت.. ولكن هالزمن دوار
وحار الشوق في صدري.. شعور أخفيه مقهوره=رجيت العطف من غيري.. وغيري ما سكن بالدار
ابصفق كف بكف.. وكني اليوم مأموره=أبكتم جملة أشواقي بلا حلّ.. وبلا أعذار
رجع قلبي.. رجع يصرخ.. يحطم واهج الصوره=ويدفن كل أحلامه.. بعد ذل من الأقدار
ويسمع صرخة إعدامه وصلرخة روح مجبوره=تعزي نفسها وتعيش بقايا دور .. من الأدوار
اتمنى اعجبتكم القصيده مثل ما اعجبتني والله يعين المطلقااااااااات من حكم الزمن عليهم
ولكم خالص اشواقي
م/ن
