السلام عليكم
بدون مقدمات
زوجي اغلب وقته ساااااااااااااااااكت اذا دخل البيت على طول على النت واذا كنت انا على النت يبدا يقلب بالريموت من قناه لقناه (الفلك) مايثبت على قناه حتى لو تحمست لقناه قلت وقف يقلب
واذا دخل النت وجلست معاه مثلا على اليوتيوب مايكمل المقطع الانادر
وبمجرد مايفتح المقطع يطلع لمقطع ثاني
واذا قلت نقرا التعليقات ينزل بسررررررررررعه
بإختصاااااار ممل مايشجع احد يجلس معاه على نت او تلفزيون
وكل كلامه يالله سولفي ويحب يعرف كل شي
عن اهلي ووش قالوا ووش صلحوا
حتى اذا عطيته سالفه عن اي احد من قرايبنا يقول طيب مين هو
وش اسمه ………………….الخ
وهو اجتماعي وعند زملاء كثير واذا جاء احد منهم يجلس معاه بالساعات واذا راح
اسأله هاه وش سولفتوا فيه وش قلتوا من باب تغيير الجو
يقول ولاشي سوالف عاديه يالله سولفي انتي
اقول بالساعات ولا عندك سالفه وحده تقولها!!!!
يقول ماركزت انساها من وقتها
مع العلم انه ذكي جدا ماينسى سالفه من اللي يسمعها مني
واذا جو اهله والله ان تقولون بااااااااااااااااااااااااااااااااااااااااااااااااا لع مسجل
قصص وضحك ماااااااااااااااااااااااااااااااايسكت
وسوالف اول مره اسمعها
ومره قلت له ليش اذا جو اهلك تسولف ومعي لا وين تروح سوالفك
قال لازم اونسهم كيف يجون وما اسولف لهم واونسهم
قلت له طيب وانا؟؟ مالي حق وإللا ايش سكت.
وهذا حالنا
والله اني اموووووووووووووووووووت قهررررررررررررر اذا سمعته يكلم بالجوال
مايسكت ضحك في ضحك ماشاء الله
لكن وش ذنبي
صرت اكره كل اخوياه وبعض قرايبه من تصرفه
وبمجرد مايقول فلان بيجي احس راسي بينفجر اصدع على طول من الضيقه لاااااااااااااااازم اشرب بندول قبل ما اصلح القهوه
الشي الثاني اللي مكدر عليه وكل ما اتذكره ابكي
وشوفوا معي حق؟؟؟
انا ولدت يوم العيد وبعمليه وكانت حالتي صعبه شوي
يعني العيد عيدين ومع هذا والله ماجاب لي هديه حتى لو ورده ماعبرني فيها لا و راح يعيد على بعض قرايبه قبل لايزورني
حبيباتي زوجي مايعرف شي اسمه هديه مع العلم اني كنت اهديه لكن جرحني مره وبعدها تبت ما عاد يشوف مني شي
تخيلو سافرت عند اهلي ويوم رجعت جبت له عطر ريحته قريبه من عطر هو يحبه والله ان تقولون اني فتحت في وجهه نكته موهديه قاااااااااااااااعد يضحك قلت وش يضحكك قال ريحته ماهي حلوه
شوفوا ما امدح نفسي لكن الكل يشهد لي بذوقي في العطور اعرف اختار
ولنفرض انها ماعجبته الريحه مع ان العطر ذوقه هذا اسلوب؟؟؟
ما ادري المشكله فيني ولا فيه صرت اطفش منه
عطوني رايكم وحلكم لمشكلتي واللي ماعندها خلفيه اقل شي تدعي لي في قلبها
ياااااااااااااااااااااااااااااارب فرجك
التصنيفات
