صباح الخيرات لأحلى برونزيات
بنات ابي اخذ رايكم في مشكلة مالي يد فيها
انا مشكلتي مع خوات زوجي من ابوه وامهم لي سنتين متزوجه مالي مشاكل مع زوجي ولا امه ولا اخوانه العيال كلهم يحبوني الا خواته هم كبار ومتزوجات اول حياتي معهم كنت اسكت وما ارد على كلامهم لدرجة انهم يبون يسيطرون على كل شي بحياتي حتى لبسي وحركاتي يبون يأمرون ويتدخلون في حياتي وانا مااقول لا طبعا للصبر حدود صبرت وطفح الكيل فصرت اراددهم واقول رأيي وما اعبرهم في لبسي لان زوجي وامه راضين بس هم يقولون الموديل مو حلو ومره الالوان مو حلوه ماعندك ذوووق وبصراحه لبسي احلى من لبسهم بس ماادري غيرة ولا هبل زايد ويقولون صيري زي زوجة اخوهم الكبير تسمع الكلام يابنات زوجة اخوهم مالها شخصية من كثر مايتحكمون فيها
فصاروا كل شوي يطلعون كلام ويقولون انا قلته لدرجة انهم قالوا اني تزوجت اخوهم بس عشان افرق بينه وبين اخوه من ابوه طبعا قسما بالله ماطلع مني هالكلام و صاروا يتكلمون على لساني بكلام ويسبون ام زوجي على لساني وانا والله العظيم اني احبها واعتبرها ام لي واللي قهرني اكثر سمعت هالخرافات من بناتهم الصغار ولا يدقون لي بالكلام فقلت لزوجي يكلم أخته اللي بدأت بالكلام ونشرته وقلها انها توقف عن هالحركات وتخلي خواتها وبناتهم يلمون السنتهم لانهم بدأوا يأثرون في ام زوجي المهم زوجي جمعهم كلهم وقالهم وحذرهم بعدها اتصلوا علي واعتذروا وقلت لهم خلاص معذورين وعفى الله عما سلف بعدها بكم شهر زاروني ثنتين من خواته وجلسوا عندي اسبوع بس للاسف
اروح لغرفتي ابي انام اسمعهم يتكلمون فيني واذا تكلمت معهم في اي شي يكذبوني ويغلطوني ويتفلسفون باشياء مو فاهمين معناها بالعلم انه مستواهم التعليمي ابتداااااااائي وكل شوي يقولون احنا بنات فلان واصحى الصباح الاقيهم مسوين جمارك 
ويفتشون في اغراضي حتى اللي بالمخزن بالله موحاجه تقهر يابنات 
ايش ط§ط³ظˆظٹ خليت علاقتي فيهم زي خواتي تمادوا علي ولما خليتها رسميه قالوا متكبره و غيرت اخونا علينا واخوهم شايف حركاتهم و سامع كلامهم وتطاولهم علي واصلا هم مايحبونه وهالشئ هو قاله لي من زمان من ايام الخطوبه وانا ماعمري قلت له شي الا دائما اقوله روح لهم سولف معهم اهديهم هدايا وهو رافض مليـــــــــــــــــــــــــــــــــــــــت منهم وصرت اكره الاجازه لاني اروح لبيتي اللي جنبهم بنات طھظƒظپظˆظ† ظ‚ظˆظ„ظˆط§ لي ايش اسوي جيبولي طريقة اتحاشاهم وفي نفس الوقت اكون عاديه معهم لانه ماعمري تعاملت مع احد يكرهني
وسامحوني عالالفاظ االلي عبرت فيها 
التصنيفات
