عشرين عمري وافرق بين الردى والطيب
عشرين عمري… بس هــموم قلبي كبيره
::-::
اعــرف الحياء زين.. واعـرف بعد العيب
كذا رباني ابــوي.. وكــنت بعينه كــبيره
::-::
ايه نعم ابوي رباني على العــز والطـيب
انا بنت امـــير وابقــى مثل ابـوي امـيره
::-::
علمني ابوي الوفاء والإخلاص والمواجيب
علمني مالعب لعبت غدر لو هي صغيره
::-::
علمني ابوي ماكون لغلطات غـيري رقيب
علمني حتى بالشعر كيف أبحر فـي تعابيره
::-::
وعلمني ابوي إن الحب في سلمنا عـــيب
آآآه.. لو يدري انــه بقلبي يشتعل ســعيره
::-::
آآآه.. لو يدري إني بالحب لي جرحاً عطيب
آآآه.. لو يدري إن روحــي بالحــب خطيرة
::-::
يايبه ادري انك مــعي مـا بخلت بالجــيب
لأحشى.. حـــتى بعطفك مــعي يكفي لديره
::-::
يايبه ادري انك علمتني كل أفــعال الطيب
بس وش أســـوي يايبه قــلبي غــدا أسيره
::-::
اعترف إني أحبه ولاهمني كثر العذاريب
يايبه أحــبه.. وحبه بقلبي يشعشع نواويره
::-::
تذبحني غــيرته يايبه.. ويــزعل لو أغيب
حشى ما خونه ولا يهون عندي بيوم تقديره
::-::
وسامحني يايبه ادري الحب في سلمنا عيب
بس وش أسوي خـــلاااااص قـــلبي أسـيره
