السلام عليكم ورحمة الله وبركاته
صباح الورد
بقولكم قصتي وأبي منكم الرأي السديد :w56:
خالي خطب وحده تقرب لنا من بعيد وصار ع الخطبه سنه وخلال هالسنه تمت الملكه ، وبعد فترة طويله انقلبت البنت فوقت تحت وغيرت رأيها لأن خالي طالب ماتوظف راح يسكنها في منزل شعبي حجمه حلوو لكن هي رافضه تبي ( شقه ) ، المهم انفصلوا وتفركش كل شئ بسبب المنزل .
المشكــلة الحين / إن أم البنت خلال فترة ملكة خالي خطبتني لولدها اللي يصير أخت خطيبة خالي .
ووافقنا ( مع العلم إنها خطبتني قبل بس رفض أبوي لأني كنت صغيرة ورجعت خطبتني ثاني ) .
ويوم رفضت البنت خالي وتفركش كل شئ تغيرت أمي عليهم << قلبها على خالي .
وجدتي وخالاتي والكل تغير عليييييييييهم .. وأمي تقول يوم أقابلهم ماراح أتعامل معاهم زين.
وأنا بصراحه طايب خاطري من الولد ماابيه خايفه من المشاااكل لأن أمي راكبه راسهاا وكارهتهم حيل ولدرجة قبل يومين تقول لأختي أنا حزينه على أختك لأن أهل خطيبها مو صاحيين وودي أرفض بس أبوك يبيهم ( مشكلة أبوي واقف ضد أمي يقول لأمي أنتي الحين ماتبينهم عشان أخوك !! )
أنا أحس إني ضاااااااااااااااااايعه .. خايفه أكمل وتصير مشاكل ، أمي ماتعاملهم زين وكل هذا يقلب علي انا بالنهاية ، لأن بيني وبينكم هالولد رأس مال أمه وأبوه ، أخاف في أي لحظه تقول للولد سيبهاا وانا خلاص متورطه وتزوجته ، وخايفه من تعامل أخته لي ( خطيبة خالي السابقة )
امي ودها ترفض وابوي يقول لااا هذا كله عشان اخوك بس ..
انا تعبت والله تعبت أمي تقول هذي نكادة مو فرحة
ساعدوني أرفضه وإلا لا ( علماَ بإن خطبة الرجال ماتمت ، تمت الشوفه الشرعيه بس )
ساعدوني أرجووووووووووكم ..
