البارحه كـن كبـدي تلتهـب ملـه
جمر الملايل تفرق فـي نواحيهـا
على عشيـر فديتـه بالعمـر كلـه
عنده حياتي مـن اولهـا لتاليهـا
يرفق عليها خليـل مودعـه خلـه
والا يشـب الوقايـد ليـن يفنيهـا
قالوا ظپظ„ط³ط·ظٹظ† قبل سنيـن محتلـه
والثانيه نفس عاشق مبتلش فيهـا
والجادل اللي سلبني مسلـم الملـه
عيا على الروح لايرجـع ويديهـا
اقول بكره وياليته !…ويـا علـه
ويقول روحك معي لاعاد ترجيهـا
كود الجسد فالنهـار يفارقـه ظلـه
والا تخلى الكواكب عـن مجاريهـا
خل الرجاء يا( سهم )في مطلبك خله
حتى تصير الوداعه عنـد باريهـا
قلت الجسد دون روحه ويش حي له
والروح مرهونة فـي يـد مغليهـا
والصبر لو قلت لك مايشفي العلـه
الحكمه اللي مع العربـان نوحيهـا
سيف الزمن كل يوم بصدري يسله
لو كان ساير جروحي عنك مخفيها
ماطاب لي كيف بن بحكرت الدلـه
الكيف والله شفاتك يـوم احاكيهـا
واشوف عينن زهاها الكحل ومظله
تنقض جروحي بلحظه ثم تداويهـا
ياحي والله هـذاك الـزول والطلـه
لو جت همومي بثقل طويق يطويها
