لا صار قلبك إمتعلق بواحد
و الشخص هذا ما درى شكثر تغليه
تسهر عشانه طول ليلك تهابد
على فراش السهد ساهر تناديه
تكره ابو الحظ الردي ليه قاعد
يوم أن كل ( ن ) قام حظه يلبيه
و ش حيلتك لا صار حظك يعاند
أرضى و خل القلب متعلق فيه
و أطلب من الله بالدعا و أنت ساجد
عسى لك الله صاحبك ذاك يهديه
يمكن بيوم أن كان حظك يساعد
تسنح لك الفرصة و ثم تلتقي فيه
و أعلم بأن الحب بركان خامد
لا ثار محد ( ن) يقدر أنه يطفيه
حط الأمل في وسط بالك و جاهد
لا يخيب ظنك و الرجا لا تخليه
إن كان قلبك إمتعلق بواحد
يمكن بيوم يحس و شكثر تغليه
