بسم الله الرحمن الرحيم
كفيكم بونزيات وش أخباركم ان شاء الله طيبين ابي اقولكم قصتي
يمكن فيه احد يساعدني
انسجن زوجي من فتره يمكن من ست شهور سبب السجن دين طبعا
وتخيلو اني صرت وحيده بعد ماكنت تحت ضله صار تحت ضلي ست اطفال اكبرهم عمره 13 سنه وصغرهم عمره سنه ااااااااااااه صراحه تعبت مرررررره ولا ادري وش اسوي طبعا الأولاد مايعرفون شي وين ابونا مسافرعنده شغل متى يجي بعدين
اااااه لو تشوفون حالتي اذا ناموا طالعهم وتضيق فيني الدنيا بكره وش رح يطلبون اليوم فات بس بكره الله يعيني عليهم
ابي اقولكم شي انا لما فكرت فيه ضحكت وبكيت بعض الاحيان كنت اقوم واروح للمجلس واجلس في المكان الي كان يجلس فيه زوجي والقاه جالس يفكر بس انا ذيك لايام مدري انه تعبان هو كان ما يحسسني في شي كنت اجيه وقوله وش فيك يقول مافيه شي بس الحين عرفت وش كان فيه
انا ماعرف احد يساعدني على اللي انا فيه وحده قلتلي روحي الضمان رحت ورفضوني قالو انت مالك شي مع اني معي اوراق تثبت ان زوجي مسجون صك حقالدين وامر السجن قالو لازم يكون محكوم عليه ومثل حالت زوجي مايحكمون عليه لانه دين متى ماسدد افرجو عنه والمشكله انهم وقفو الراتب حقه وانا ماعندي دخل ثاني والمصيبه انه ساكنين بايجار من غير مصاريف البيت والحليب والحفايض اااااااااااه
هذا كوم ولما تعب ولدي كوم ماقدرت اطلع من الشقه تدرون ليش الساعه 2 الفجر وين اروح وش اسوي ابي زوجي يشيل معي بعض المسؤليه تعبت والله اني تعبت
خلاص انا اسفه طولت عليكم لاكن وش اسوي ابي احد يساعدني او يلقالي حل او يدعيلي
وشكرا
التصنيفات
