الاماكن
من وقتي القاسي ومن حظي الشين = حاولت ادورلي ملاذً و لاكن
عجزت للقى مسكن يضم الاثنين = وعجزت للقى ياجروحي دواكن
كم مرتً نمشي على الشوك حافين = بسبابها صارت عيوني تباكن
ويادمعت عيوني علي مين تبكين = ماعاد باقي فالقرايا مساكن
في ماضي الأيام كنتي بساتين = و نهرً دفق بالود ياما رواكن
واليوم مات الزرع بعد البراكين = والنهر جف اللي بعذبه سقاكن
حبّ الوله مطحون جوف الطواحين = كافي ماجاني لاتجعجع رحاكن
ماعاد ندري منين ناتيك من وين = ياقرّبها داري و ماأبعد مداكن
ليت الغلا ما غاص جوف الشرايين = ما كان نشقا لجل خاطر لقاكن
لو نحّسب اجروحك نزل الملايين = تعبت من قولت عوافي فداكن
هدي عليّ ارجوك ياداعج العين = جرحك سكن صدري وفالقلب ماكن
خلآ الجروح اللي فصدري عناوين = للذكريات الباقيه فالأماكن
في صفحة الذكرى بتبقى لك سنين = اذكرك لا مريت ذيك المساكن
