السلام عليكم ازيكم يا قمرات انا النهارده قابلت عريس عن طريق واحده صاحبة اختى اتقابلنا فى نادى وقاعدنا اتكلمنا مع بعض
هو اكبر منى بحوالى سنتين
على فكره انا بشتغل مدرسة وفى اواخر العشرينات اما هو بقة :
شهادته : بكالوريس تكنولوجيا قسم تبريد وتكيف لكن هو بيشتغل فى معمل فى مستشفى من حوالى 10سنين ولما سالته ليه ما تشتغلش فى شركة قال لانه وهو بيدرس كان بيشتغل فى المستششفى فى الامن ولما اتخرج اخد وضعة واشتغل فى معمل المستشفى فى المعدات.
المهم انا كنت مكسوفة قوى لانكم اكيد عرفين اول مقابلة شكلها ايه
قال اتفضلى اسالى : سالتى عن شهادته وسنه وعن الشقة فقال انه مخصص لها من 40 الى 50 الف جنيه وقال نبدء شويه صغيرين وبكره نكبر ووسالته يعنى الفلوس ديه للشقة والعفش قال لا للشقة وربنا يسهل للعفش
هو فى حاجه كده بس عايزه اقوله لكم بصراحه هى محيرينى شويه انا عارفه مالنش فى نفسنا حاجه
شكله مقبول لكن فى عينه اليمين عيب مكسوره شويه لقيته هو من نفسه قال عينى ديه اصاب فيها بحساسية عمل عمليه هو بيلبس نظاره
احنا اتفقنا اننا نصلى استخارة ونرد على بعض
انت ايه رايكم ؟ لو انتى مكانى توافقى ولا لا ؟
التصنيفات
