يازمن واي زمن هذا اللي نلقى فيه صاحبن وافي وقت ما ننجرح يداوي ومايخلي فينا جروح
وشهو هذا الغلا اللي جرحنا ومايرضى يروح
ولاهو قانون عند البشر
بعد ماتعزهم بأسم المحبه يجرحون
اي صبر واي سلوى تقدر
تسامحهم يوم بخطاهم يطعنون
اتكفلت بجروحي وحدي
شفت ضيمهم وماشكيت
علمتني دنيتي بسر في قلوبها
يوم جربت البشر ميزت نوعهم وماشكيت..
مثل ساري الليل اللي يخاف من ظلامه ويحده الوقت والخوف وفي الاخر يكمل مسير
نصيحة من قلبي ياقاري ابياتي وهذي حروفي بين يديك وضعتها ولايمكن إنها بأحساسها في يوم بتخون
اختار بدنياك
بشر قلوبهم بيضا يماشونك بوقت الشده معك مايخلونك
يحطونك بعيونهم وقت الموقف ينصحونك
يخافون عليك من التعب
واذا رحت بالخير يذكرونك
ولاتختار
ناس بالمواقف يستغلونك
ياخذونك بطيبهم إلين ياخذون حاجتهم ويتركونك
ولا تصدقهم
لو قالوا يحبونك
محبتهم بوقتها مصلحه
ومالها أي أساس بسم الغلا يسمونك
أكيد في يوم بتنجرح منهم ثم ينسونك
حكيهم كله قيل وقال
صدقني هذا هو الحال
وإذا لحظه تغيب عنهم
ورى ظهرك يطعنونك
قليل اللي يبي لك الخير
وكثير اللي يحسدونك
في دنيانا
لازم نفكر بقلوب البشر ونختار
اللي محبتهم شرف
وعلى الصدر اسمهم بالغلا يرسم وسام
ولانختار
ناس محبتهم زيف وضحك وكلها خداع بخداع
وهمهم بس يجرحونك وجرحهم ينزف كل مامربوقتهم يذكرونك
بقلمي ونبض مشاعري
