التصنيف: صور مكياج

المكياج

*وقبل لا ابدأ معكم اكيد ان كل وحده منكم تعرف

الكريم المناسب لبشرتها يعني اللي بشرتها جافه تكون مشتريه كريم

اساس فيه زيت ومكتوب عليه oil واللي بشرتها دهنيه تاخذ كريم

مكتوب عليه free oil واعتقد هذا شي بديهي الوحده اكيد بتعرفه

وكتبته للتذكير ….

انا مو جايه هنا اسوي دعايه

عن الماركات ولكن من خلال تجربتي بذكر الافضل والاسواء

* * * * * * *

ولاننسي المثبت والكونسيلر الي هو اهم شي … وبالنسبه لي

انا استخدم مثبت جفنشي لانه يثبت فعلا مو مثل مثبت سان لوران

لاني استخدمته وطلع خرطي وانتي اذا كنتي مجربته بتشوفين كلامي

صح … اما بالنسبه للكونسيلر تعالي شوفي معي استخداماته ::

1- اللون الاخضر لصفاء البشره

2- اللون البرتقالي يوحد لون البشره اذا كانت متباينه " السمراء "

3-اللون الاصفر للبشره الباهته جداااااا

4-اللون البني او البيج الغامق لتصغير " الخشم اذا كان كبير "

5- اللون الاحمر لاخفاء النمش والاحمرار

6- الابيض لاخفاء النمش والكلف وحب الشباب

7-البنفسجي للبشره الصفراء والمتعبه يعطيها جمال واشراقه خياليه
* * * * * * *

بعدين انا حابه اذكر لكم شي مهم ترا فرش المكياج

تلعب دور كبير جدا وراح تشوفين اذا شريتيهم وعرفي تستخدمينهم

يله نكمل مع بعض بس عشان ما اطول عليكم قبل لا نسوي ظ…ظƒظٹط§ط¬

اكيد راح تكون البشره منظفتها ثم خذي قطنه طھظƒظˆظ†ظٹظ† حاطه عليها شوي

من اسكنيول مناسب لنوع بشرتك امسحي فيها وجهك

وبعدها حطي المثبت الي عندك وتثقين فيه

* علي فكره فيه انواع مثبتات مكياج بعضها ينحط قبل الكريم وبعضها بعده*

انا هنا بستخدم مثبتي المفضل من ماركة جفنشي وهو ينحط قبل

المكياج

وهو بخاخ الخطوه الثانيه اللكونسير عشان نخفي النمش او الحبوب

نحطه بطريقه مرتبه بطرف اصبعك تاخذين منه ثم تحطينه علي وجهك

ولا تحاولين تفركينه لا حاولي تطبطبين عليه بعدها جيبي كريم الاساس

وحطي منه علي وجهك انا هنا بستخدم من ماركة ديور رقم 781

بعد ماحطيت الكريم برجع للكونسيلر مره ثانيه عشان اذا خشمك وسيع

تصغرينه بختارها بيج غامق وبجي يم اطراف الخشم بالفرشه او بيدك

احسن شي واملاء المكان وبعدها بطبطب خفيف عليه ولا احاول افركه

واذا كانت عظمة خشمك من فوق غليضه وشكلها شين حطي علي عظمة

الخشم الجانبيه لين توصلين نهاية علشان يكون بخط واحد ومستقيم

ولا تحطين بنص الخشم شي بس يكون علي جانبين الخشم غامق

وبالنص لون فاتح …. اوكيه

*** اذا كان عندك الكونسيلر غامق جداااا جداااا جداااا اخلطيه بشوية لون افتح منه ***
وبعدها بستخدم بودره العاديه مو المضغوطه

*** لا تحطين البودره الاساسيه الفاتحه علي مكان الكونسيلر الغامق

حطي ولو بدرجه اغمق شوي من الي عندك علي هالمنطقه ***

***واعيد واكرر اذا حطيتي البودره لا تسحبينها سحب لا املائي الفرشه

او اسفنجة البودره وطبطبي علي المكان او اضغطي عليه ***

وهنا نكون خلصنا المرحله الاولي بس قبل لا ارووووووووووووح

طحت لكم علي كبسولات تخلي البشره تلق وفيها لمعه فضيعه

نجي للعين

اول شي حبيت اعرفكم انواع الشدو فيه ثلاث انواع وبقولكم

شلون تعرفين الشدو الي عندك هو من اي نوع :

* المائي : وهو يستخدم بإضافة الماي للفرشه ومزجها مع الشدو

الماي .

*والبودر : ولا اقصد هنا انه يجي سائب ومنثور بالعكس يجي مضغوط

وهو من افضل الانواع الي ذكرتها لانه يثبت ويبقي مده طويله

هذا شدو بودره من شانيل

* والكريمي : فيه نسبه من الكريم وميزته انه مايبقى طويل يعطي

لمعه علي الجفن فضيعه . مثل ماركة نيبو وجافكو ومبرووك

الاختبار :

جيبي عبلة الشدو الخاصه فيك وبطرف اصبعك خذي

شويه منه وحطيه علي

سطح يدك اذا لمستي فيه نسبه من الكريم وماثبت نفس اللون

الي بالعلبه هنا يكون شدوك كريمي اما اذا صار العكس فيكون البودر

وانصحكم فيه لانه يثبت .

واذا مو عارفه تميزين اسألي قبل لاتشترينه

تحطينه اذا رحتي للكليه "..

بعد ماتخلصين من الاساس وهنا تحطين يا البودره المضغوطه او الكريم

الخفيف اللي يناسبك . " بركز علي ظل العين في هالخطوه " …

وبسوي لكم كذا طريقه لرسمة العين ..

تجبين الفرشه " الاسفنجيه" المعتاد عليها

وتترسينها شدو بختار هنا اللون الزيتي الفاتح

وفيه شوية لمعه وبحطه علي الجفن المتحرك للعين واوزعها بطريقه

مرتبه واذا مو عارفه توزعينها بترتيب بعد ماتحطين الشدو

جيبي فرشه ثانيه >>

لكنها شعر مثل اللي بالصوره وابدئي وزعي فيها الشدو اللي محتاس

لين تشوفين الخط المتعرج اختفي وصار

شكله مرتب " هذي الطريقه جدااا رائعه في توزيع الشدوووو "

وتاخذين شدو ابيض تخلطينه بشوية بيج وتحطينه علي عضمة

الحاجب عشان يبرز لون الظل ……..

بعدها اخذي لك كحل اسود جاف وحددي فيه العين من تحت

وحاولي ان الكحل يلامس الرمش وثقلي حيل علي هالمنطقه كلها ..

مثل هالصوره

ثم جيبي فرشه تارستها شدو اسود وبستخدم هنا شدو من ماركة

سمايلنج

وامررها فوق الكحل اللي حطيته بشكل متساوي …واذا كانت عيونك

كبيره اترسيها من داخل

بكحل اسود او بني وبعدها حطي الماسكره عي رموشك .

نجي للحواجب بعد ماتمشطينهم خذي قلم بني وابدئي ارسمي الحاجب

من النص بالقلم ولا ترسمينها من البدايه

ثم جيبي فرشه فيها ظل بني غامق وارسمي الحاجب من البدايه

بالظل وراح تسأليني ليش ؟ عشان يطلع الحاجب طبيعي وشكله مو

مرسوم

وهالطريقه هي ابسط شي لوضع المكياج وراح ابدئي بعدها في

الاصعب …

بنات قلت لكم عن طريقه ثانيه نعمل فيها مكياج وهذي الطريقه

خطواتها نفس الخطوات السابقه ولكن بأضافه لمسات قليله لها …..

تابعوا وراح تشوفون …….

انا هني راح اختار اللون الزيتي وتدرجاته

اولا احدد العين من فوق بكحل جاف ومن اسفل العين ايضاا

وانتبه يكون الحكل موازي لخط الرموش وخصوصااا عند ماتكحلينها من تحت

وأبدء احط الدرجه الفاتحه * الثانيه * علي الجفن الدائري وبعدها

اجيب الفرشه الشعر ** المخصصه للتوزيع **

ولاحظي انك اذا استخدمتي الفرشاه الشعر في التظليل ماراح تتعبين

لانها تريحك في التوزيع وترا الفرش مهمه جدااااااااا جدااااااااا جداااااااا

لانها تلعب دووووووووووور كبير في تداخل الالوان

** بعد ماسويتي الخطوه السابقه تعالي نسوي حركة تظليل

في اسفل العين تجيبين فرشه * اسفنجيه* وتملينها بالظل الغامق

وتمررينها علي الكحله بحيث يبين لون الظل وسواد الكحل بعدها

اخذي شوية ظل * من الدرجه الثانيه اللي استخدمتها بالبدايه * ووزعيها

تحت الظل عشان يعطي تدرج واضح للون ..

وثم اخلط اللون الابيض الؤلؤي مع افتح درجه في هالمجموعه واحدد فيه

عضمة الحاجب ..

قبل لا انتهي اكحل العين بالحكل السائل ** خط رفيع عشان يبرز العين

اكثر ** وانا افضل انك ماتستخدمي الريشه الموجوده بالكحل السائل

اللي معتادين عليها

* جربي بدالها الريشه المخصصه للكحل

والله راح تلاحظين الفرق بسرعه وراح

ترسمين بشكل دقيق و واضح وسهل …

ثم احط المسكره وماانسي اسوي الحواجب ** سبق وشرحت **

انتهي هني مكياج النهار ….

** ملاحظه اهتمامي بمكياج العين اكثر شي لانها هي اللي تبرز

الجمال وماراح انسي تحديد الفم ووضع البلاشر وراح اشرحهم بالتفصيل**

يتبع مكياج العيون

وبشرح لكم ط·ط±ظٹظ‚ط© مكياج ناعم ويبرز العين اكثر وممكن

تحطينه الصبح ** وبركز علي العين اكثر شي **

** ترا كل اللي اعرفه بحط لكم طريقته واي سوال انا بالخدمه**

مثل ماقلت لكم ببدي ارسم العين من فوق بكحل جاف ** وهذي

الطريقه اسويها عشان احدد العين وهي اهم خطوه بعد توزيع الشدو**

بعدها املا الفرشه ** الاسفنجيه ** ظل وردي وتكون درجته فاتحه

وابدأ املا الجفن واطلع فوق وأي خربطه راح اخفيها بالفرشه الشعر مثل

ماقلت .. بعد ماتنتهين راح تحددين عضمة الحاجب بالابيض اللؤلؤي

وعند مدامع العين ** في بداية العين **

وانصحكم تستخدمون هنا light shadow من ماركة لانكستر فضيع

وتنبهرين من لونه .. **عن تجربه والله **

تحددين اسفل العين ** من النص ** بالكحل الاسود * القلم* وتحاولين

تضغطين بالقلم علي منظقه الرموش السفلي …**

بعد كذا نجي نظلل العين من فوق وتحت بالظل الغامق وبستخدم اللون

البترولي الغامق املأ الفرشه الاسفنجيه وابدي اظلل فوق الحكله اللي

رسمتها واطلع لفوق واحاول اني ما اتجاوز الجفن الدائري وامرر بالفرشه

الشعر اي لخبطه صارت ونجي للجفن السفلي واظلله نفس الطريقه

بحيث تجي رسمة العين مفتوحه ….

هذي الرسمه تطلع جنان للي عيونها كبار .. واذا عيونك صغار

جيبي قلم ابيض وارسمي خط في نهاية العين اوظللي بالشدو الابيض

يعني يدخل الابيض بين الحكلتين ….

وقبل لا انتهي ارسم العين بالحكل السائل اعبي الفرشه من الكحل

وارسم خط خفيف من فوق ومن اسفل العين عند الشدو اللي حطيته

واذا حسيتي انك زدتي الكحل في اسفل العين جيبي فرشه * اسفنجيه*

تارستها بشدو اسود ومريرها لين يجف الحكل ,,,

اخيرااا تحطين ماسكرا

ولاتنسين الحواجب …………

قبل لا ابدي في مكياج الحفلات حبيت اوضح بعض الاشياء المهمه..

عشان تبرزين مكياجك ومايكون فيه لخبطه وتطلعين بمنظر خيالي …

*************

1-ياليت قبل الحفله باسبوع او اربعة ايام انك تتحسنين علي بشرتك

وتسوين لها تنظيف عشان اذا حطيتي المكياج عليها تحسين بنضاره ..

2- بعد ها تعملين لوجهك قناع يناسب بشرتك ..

* اذا بشرتك مرهقه* حيل سوي **قناع الخيار** نص فنجان

خيار مبشور + بياض بيضه و2 ملعقه صغيره حليب بودره ** نيدو او

حيالله حليب **.. تخلطينهم لين تصير مثل العجينه وتحطينها علي وجهك

لمدة عشرين دقيقه وتغسلين وجهك بعدها بالماء الدافئ ومره ثانيه

تشطفينه الماء البادر وتجففينه بالفوطه ** ..

**************************

**البشره الدهنيه ** ملعقه صغيره خميره + 2ملعقه كبيره

زبادي**روب** تخلطينهم مع بعض وتحطينه علي وجهك لمدة 20 دقيقه

وبعدها تغسلين وجهك بالماء الدافئ ثم البارد وتنشفيه بفوطه..

**************************

**البشره الجافه** 1 ملعقه كبيره بطاطس مبشور + نص ملعقه

كبيره جبن ابيض تخلطينهم مع بعض وتحطينهم علي وجهك لمدة 15 دقيقه

حتي تحسين انه جف ثم تغسلينه بالماء الدافئ..

***************************

**هذا القناع يقاوم التجاعيد ويعطي الوجه حيويه

اذا حابه تستخدمينه للوجه جيبي 1ملعقه كبيره خميره *البيره او فوريه**

+2 كبسوله فيتامين ه +1كبسوله فيتامين د+1كبسوله فيتامين أ

فرغي كل محتويات الكبسوله بعد ماتخرمينها واخلطيهم مع الخميره

حطي نقاط من الماء لين تحسين ان المكونات صارت مثل العجينه بعدها

حطيها علي وجهك لمدة 30 دقيقه وبعدها اغسلي وجهك بالماء الفاتر

هذي القناع لقيته في احدا الكتب وهو جدااا مفيد للي تشكي من