التصنيف: صور مكياج

الزبده إذا ضاق صدرتس لا تعضضين شفايفتس لو سمحتي يعني + شوفي هالمُنتجات اللي اعتقد الكلّ يستخدمها ومعروفه قداً

– البطل الخارق .. سوبر مان الكريمات واللوشنات .. حبيب العجز والشغّالات .. قاهرهم .. (الفازلين ) ابد أسهل شي متى ماحسيتي بجفاف في شفايفتس اقرب فازلين وغرقيها .. برضو حلو قبل لا تنامين

– سمعت برضو عن الفقس .. قالوا لي ادهني شفايفك فيه ونامي وتصحين تلاقينها ملساء <– اما ملسا ههههه .. و ورديه ومدري وش .. جربته والله وصار زي ماقالوا ..بس أول مره ارتعت صراحه قمت ولقيت شفايفي تروّع تسنها براطم شسمه بعدين ثاني وثالث مره لا بالعكس .. مير اني سحبت عليه ما عمري استمريت ع شي الحمد لله

نجي الحين لتقشير الشفايف وعَمل المساجات لها ( ايه وش فيتس تناظرينها كذا باحتقار ؟ لها مساج يافرقى وتقشير وكلش حالها حال غيرها ) ..

برضو المساج باستخدام الفازلين ابوه للجنّه تدهنين شفايفك فيه وتدكينها باصبعك مثلاً لتجديد الدوره الدمويه وإكساب الشفايف لونها الطبيعي

ادري ان فيه أشياء وخرابيط واجد للشفايف ومدري وش .. لكن اللي ذكرتهم مُجرّبات وناتشورال

راح اتكلّم عن ( الروج

الروج ..ذلك الشي البطل .. اللي كان زمان هو راس مال الميك اب .. ابد عندتس روج ؟ إذن عندتس ميك اب

وما زال مُحافظ على دوره الفعّال .. أنتي جربّي تمكيجي وحطي كلش باستثناء الروج .. وشوفي وش بيصير شكلتس

!! <– هذي والله البلشه ! درينا يختي انه مهم ..

هالشي واجد يتجاهلونه وما يهتمون فيه .. اللي هو المُحددّ .. وطبعاً يمّي أنا ما أتكلّم عن مُحددّات قبل ذيك اللي تجيتس أورانج ولا خربزي والروج بني مثلاً

! .. لا تجيبين لتس مُحددّ أغمق من لون الروج اللي بتستخدمينه بدرجة وحده بسّ

نجي للروج

اللون الأكثر رواجاً
مُبهر .. صارخ .. وه بس

الا ما تلاحظون هنا ان البنات ما عندهم وسط

.. امّا أدمنت الروج الأحمر وحطته وين ماراحت حتى لو الصباح بالجامعه / الكليّه تلاقينها كاشخت(ن) به بكل ثقه وين ياخاله ؟ .. ولا تجيتس مهيب تطيقه ابد وعندها فوبيا ههههههه وإن حطّته ابد تقعد تحرقص وكلها دقيقتين وهي تركض للمغاسل تمسحه

احذري الأحمر في الحالات التاليه !!

– إذا لبستي شي مشجّر <– شخباري يا مشجّر

؟! المهم ان فيه ألوان واجد وحوسه , لا تفكرين بالروج الأحمر ابد ..

– الصباح طبعاً لان شكلتس بيصير بايخ وسامج وكلن بيذب عليتس
– إذا كنتِ بزر أو مراهقه بالأصحّ بتصيرين عانس وحُرمه صغيره
– إذا كانت شفايفك كبار مره بزود يعني .. حاولي ماتستخدمين الأحمر لانه لون مُلفت وبيزود حجمهم أكثر ..

عزّ الأحْمَر

– في الزواجات

– مع فَساتين ساده ( أسود – أبيض – أوف وايت

) خصوصاً إذا جاتس الفستان أسود + أوف وايت وكملتيها بالروج الأحمر

الوردي اللون العملي

حلو صَباح .. مَسا .. طلعات خفافيه

.. جاكم احد بالبيت

مُناسب لأيّ فئِه عُمريه .. بنوتات صغار .. مُراهقات .. صبايا .. حريم صدقيات بس موب عجز عاد

حلو مع فساتين ناعمه .. سبورات اي شي

الوَردِي

تلاحظون كيف رايق بتدرجاته كلها .. من الفوشيا
الى الزهر الفاتح

وزي ماقلنا تراعين تناسقه مع اللبس + المناكير

اتعب انا

برضو انتبهي في اللون الذهبي لا يصير فاقع مره وتصيرين يمّه بس

عن نفسي اعتبره مرتبه أولى .. ألوان برّاقه <–
. ايه ألوان براقه وثبات وكلش
خصوصاً تدرجات الأحمر والفوشيا

و بعده الماركات التاليه /

وللأمانه يعني /
فورايفر ممتاز

إنجلوت / ماركة عندها الليب ستيك + المناكير شي موب صاحي .. إذا فيتس خير بس خل يطري ع بالتس درجة لون وما تلاقينها عنده .. اسميه ( ابو الدرجات !! )..

أخطاء فادِحه ..

كثير منّا تصير معها هالحركه وهي ولا جابت خبر .. ما تدري الا يقولون هيه يافلانه مسّحي الروج اللي ع سنونتس

لِتفادي هذا الشيّ /

أولاً .. لا تكثرين روج لو سمحتي .. يعني مب مية الف طبقه
ثانياً .. إذا تروّجتي .. جيبي منديل واطبعي بوسه خفيفه عليه عشان يخف الروج.
ثالثاً .. صرّي شفايفك ع شكل دويره ثمّ جيبي اصبعتس ولبسيه منديل مدري وشلون اشرح بس وامسحي به ع الروج .

سامجه هالحركه مره
ياليت تنتبهين يابعدي وانتي بمسيار او عزيمه .. مهب تقحنين القهوه ولا الشاهي وذا الخشّه مغير تطبّع من ذا الروج وتمدينه للي تصب لتس وانتي ولا طقيتي خبر لا بي كيرفول – ذوقياً مب حلوه ابد –
احرصي كل مره تشربين فيها تمسحين بالمنديل مكان الروج
وبرضو بالنسبه للملاعق وتسذا حاولي وانتي حاطّه روج ما تدخلينها كلها بخشتس ..
الله يذكر ايام اول بالخير اذكرني وأنا صغيره إذا حطّتلي امي روج خلاص وخري عنّي اصنننننّم معد اتحرك ولا حركه لين يروح عني ولا يبقى له أثر .

– ايه بعد يقول لتس إذا كانت شفايفتس مب متناسقه .. يمديتس تحطين ع الجهه اللي تبين تبرزينها أكثر لون فاتح

ثانياً /

الغلوسات

القلوسات حلوه للجامعه / المدارس / البيت هيك يعني .. لأنها مره خفيفه ويالله تنشاف
برضو حلوه مُكمله لروج ماعجبتك درجته أو صار ماش .. حطي عليه قلوس ويتغير

حذاري !!

حذاري تكون شفايفتس كبار مره ومكتنزه وتمردغينها بالقلوس صعبه مرره

بس الظاهر مافيه الا حذاري وحده

طبعاً القلوسات لها آلاف التدرجات من البينك والأحمر والذهبي وإلخ ..

My Fav

صوّرت الأرواج اللي اعزّها

ماك الفوشي .. إنجلوت الخربزي .. ماكس فاكتور الخربزي برضو .. مشوار اعددهم عاد
وشسمه هالنقطه ركّزي عليها مره /
أنا نادراً ما اوفّق في أرواج تبيّن وتصير حلوه .. لذلك لا تاخذين الروج ع لونه دايم خذي درجه أفتح وأفقع عشان تبين وتصير
الدرجه المطلوبه

قضيت قضيت
بس فيه حاجه قبل اختم

هالشي الخطير الفتّاك تلاقينه عند ابو خمسه وابو ريالين ..
انسي يروح من شفايفتس تعرفين وشلون انسي ؟
بالايام يجلس واحط معه جليوسليد ويطلع جنان تسنه طبيعــي

وبكذا أكون خلصت وبضفّ بسطتي

أتمنى إني أفدتكم……………..